ތޫނު އެއްޗަކުން ހަމަލާ ލިބުނު މީހަކަށް ހޮސްޕިޓަލުގައި ފަރުވާދެނީ
މި މައްސަލަ ފުލުހުންނަށް ހުށައަޅާފައިވަނީ 22:51 ހާއިރު
މޯލްޑިވްސް ޕޮލިސް ސަރވިސް
ތޫނު އެއްޗަކުން މީހަކަށް ހަމަލާ ލިބުނު މައްސަލައެއް މޯލްޑިވްސް ޕޮލިސް ސަރވިސްއަށް ހުށައެޅިފައިވާ ކަމަށް އެ ސަރވިސްއިން ބުނެފިއެވެ.
މިކަމާ ގުޅޭގޮތުން ފުލުހުން ބުނީ ތޫނު އެއްޗަކުން ލިބިފައިވާ ޒަހަމާއި އެކު އޭޑީކޭއަށް މީހަކު ފަރުވާ ހޯދަން އޭޑީކޭ ހޮސްޕިޓަލަށް ގޮސްފައިވާ ކަމަށް އެ ހޮސްޕިޓަލުން ފުލުހުންނަށް ރިޕޯޓުކޮށްފައިވާ ކަމަށެވެ. މި މައްސަލަ ފުލުހުންނަށް ހުށައަޅާފައިވަނީ 22:51 ހާއިރު ކަމަށް ފުލުހުން ބުންޏެވެ.
ރާއްޖެއެމްވީއަށް މައުލޫމާތު ދިން މަސްދަރަކުން ބުނެފައިވާ ގޮތުގައި، މި ހަމަލާގައި ޒަހަމްވެފައި ވަނީ ގްރޭޓަރ މާލެ އިންޑަސްޓްރިއަލް ޒޯންގެ އެމްޑީ އިބްރާހިމް ރަޝީދު (މާމިގިލި އިބޫ) އަށެވެ. ނަމަވެސް، ފުލުހުންނަށް ގުޅައި ގެންނާއި އެހެނިހެން ގޮތްގޮތުން މި މައުލޫމާތު ކަށަވަރު ކުރަން ކުރި މަސައްކަތް ވަނީ ނާކާމިޔާބު ވެފައެވެ.
