ކ. މާލެ
|
3 ފެބްރުއަރީ 2017 | ހުކުރު 14:26
ޢިލެކްޝަންސް ކޮމިޝަން އިދާރާ
ޢިލެކްޝަންސް ކޮމިޝަން އިދާރާ
ގޫގުލް
ލޯކަލް ކައުންސިލް އިންތިހާބު
އަލަށް ވޯޓުލުމުގެ ހައްގު ލިބުނު ފަރާތްތައް އާއްމުކޮށް، ޝަކުވާ ހުށަހެޅުމުގެ ފުރުސަތު ހުޅުވާލައިފި
 
އަލަށް ވޯޓުލާ މީހުންނަށް ޝަކުވާ ހުށަހެޅުން އޮތީ ފެބްރުއަރީ 5 ވަނަ ދުވަހުގެ ނިއަލަށް

އިލެކްޝަންސް ކޮމިޝަނުން ދެވަނަ ފަހަރަށް ލޯކަލް ކައުންސިލް އިންތިހާބު ފަސްކުރުމާ ގުޅިގެން އޭޕްރިލް 8 އިން 15 ވަނަ ދުވަހާ ހަމައަށް ވޯޓުލުމުގެ ހައްގު ލިބޭ ފަރާތްތަކުގެ ލިސްޓް އާއްމުކުރުމަށް ފަހު، ޝަކުވާ ހުށަހެޅުމުގެ ފުރުސަތު އެ ކޮމިޝަނުން ހުޅުވާލައިފި އެވެ.

އިލެކްޝަންސް ކޮމިޝަނުން ބުނެފައިވާ ގޮތުގައި އޭޕްރީލް 15 ދުވަހުގެ ނިޔަލަށް އުމުރުން 18 އަހަރު ފުރޭ މީހުންނަށް ވޯޓުލުމުގެ ހައްގު ލިބިގެންދާ އިރު އެ ކޮމިޝަނުން އާއްމުކޮށްފައިވާ ވޯޓުލުމުގެ ހައްގު ލިބިފައިވާ ލިސްޓަށް ޝަކުވާ ހުށަހެޅުމުގެ ފުރުސަތު ހުޅުވާލާފައިވަނީ ފެބްރުއަރީ ދެ ވަނަ ދުވަހުން ފެށިގެން ފެބްރުއަރީ ފަސް ވަނަ ދުވަހުގެ ނިޔަލަށް ކަމަށެވެ.

 ޝަކުވާ ހުށަހަޅާ ފޯމް އިލެކްޝަންސް ކޮމިޝަނުގެ ވެބްސައިޓުންނާއި ކައުންސިލް އިދާރާތަކުން ލިބެން ހުންނާނެ ކަމަށް އެ ކޮމިޝަނުން ބުނެ އެވެ. އެ އިދާރާތަކުން ޝަކުވާ ބަލައިގަތުން އޮންނާނީ ހެނދުނު 8:00 އިން މެންދުރުފަހު 3:00 ހަމައަށް ކަމަށް އެ ކޮމިޝަނުން ބުނެ އެވެ.

މީގެ އިތުރުން ރަސްމީ ބަންދު ދުވަސްތަކުގައި ފޯމް ބަލައިގަތުން ހެނދުނު 9:00 އިން މެންދުރުފަހު 3:00 އަދި ހުކުރު ދުވަހު ޝަކުވާ ހުށަހެޅުމުގެ ފުރުސަތު މެންދުރު ފަހު 3:00 އިން ހަވީރު 5:00 ކަމަށް ކުރިއަށްދާނެ ކަމަށް އިލެކްޝަންސް ކޮމިޝަނުން ބުނެ އެވެ.

މާލެއިން ޝަކުވާ ބަލައިގަތުމަށް ހަމަޖެހިފައިވަނީ އިންތިހާބީ އިދާރާ ކަމުގައިވާ ބާ ޖަމާލުއްދީނުގެ އިތުރުން އިލެކްޝަންސް ކޮމިޝަނުގެ އިދާރާއިން ކަމަށެވެ.

ޖެނުއަރީ މަހުގެ 14 ވަނަ ދުވަހު ބޭއްވުމަށް ނިންމާފައި އޮތް ކައުންސިލް އިންތިހާބް ދެ މަސް ދުވަހަށް ފަސްކުރީ ޕީޕީއެމްގެ ރައީސް ޔާމީން ފެކްޝަނުން ސިވިލް ކޯޓަށް ހުށަހެޅި މައްސަލައާ ގުޅިގެންނެވެ. ކައުންސިލް އިންތިހާބު ފަސް ކޮށްފައިވަނީ ވަކި ބަޔަކަށް މަންފާތަކެއް ހޯދާ ދިނުމަށް ކަމަށް އެމްޑީޕީ އާއި ޕީޕީއެމްގެ މައުމޫން ޕެކްޝަނުންވެސް ދަނީ ބުނަމުންނެވެ. އެހެން ނަމަވެސް އިލެކްޝަންސް ކޮމިޝަނުން ވަނީ އެފަދަ އެއްވެސް ކަމެއް ނުހިނގާ ކަމަށާއި ކޮމިޝަނުން އަބަދުވެސް މަސައްކަތް ކުރަނީ މިނިވަން އިންސާފުވެރި އިންތިހާބެއް ބޭއްވުމަށް ކަމަށް ބުނެފަ އެވެ.

ލޯކަލް ކައުންސިލް އިންތިހާބު މިހާރު ބޭއްވުމަށް ހަމަޖެހިފައިވަނީ އޭޕްރިލް 15 ގަ އެވެ.

 

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އެޑްމިން
0%
0%
0%
0%
0%
0%
ކޮމެންޓް