އަތޮޅުތެރޭގައި ހުރި އިންޖީނުގެތައް ޒަމާނީ އިންޖީނުގެތަކަށް ބަދަލުކުރުމަށް ފެނަކަ ކޯޕަރޭޝަންއިން ކުރަމުން ގެންދާ މަސައްކަތުގެ ތެރެއިން ހދ. ނެއްލައިދޫގެ އައު އިންޖީނުގެ ބިންގާ އަޅައިފިއެވެ.
ބިންގާ އެޅުމުގެ ރަސްމިއްޔާތު ބާއްވާއިފައިވަނީ ބުރާސްފަތި ދުވަހުއެވެ. މި ރަސްމިއްޔާތުގައި ފެނަކަ ކޯޕަރޭޝަންގެ އެމްޑީ އަޙްމަދު ސައީދު އާއި ވައިކަރަދޫ ދާއިރާގެ މެންބަރު ޙުސައިން ޒިޔާދުއާއި ނެއްލައިދޫ ކައުންސިލްގެ ރައީސް އިބްރާހިމް ނާޒިމް ބައިވެރިވެވަޑައިގެންނެވިއެވެ. ނެއްލައިދޫ އައު އިންޖީނުގެ އާއި ފެނަކައިގެ އޮފީސް ބުލޮކްގެ މަސައްކަތް ހަވާލުކޮށްފައިވަނީ 280 ގެ މުއްދަތަށް ނުގާ ކޮންސްޓްރަކްޝަން ޕްރައިވެޓް ލިމިޓެޑާއެވެ.
ފެނަކައިން ކަރަންޓުގެ ޚިދުމަތް ދެމުންދާ ރަށްރަށުގެ ކަރަންޓުގެ ޚިދުމަތުގެ ފެންވަރު ރަނގަޅުކުރުމަށް މިހާރު 13 ރަށެއްގައި އިންޖީނުގެ އެޅުމަށް އިޢުލާންކޮށް އިވެލުއޭޓް ކުރުމުގެ މަސައްކަތްވެސް މިހާރު ކުރަމުންގެންދާކަމަށް ފެނަކައިން ވަނީ ބުނެފައެވެ.
ފެނަކައިގެ އަމާޒަކީ މިއަހަރު ނިމެންވާއިރަށް 28 ރަށެށްގެ އިންޖީނުގެ އައު ކޮށްލާ ޒަމާނީފެންވަރަށް ބަދަލުކޮށްލުމެވެ. އަދި މީގެ އިތުރުން މި ފެނަކައިގެ އަމާޒަކީ ކުރިއަށް އޮތް 3 އަހަރު ތެރޭގައި 56 ރަށެއްގެ އިންޖީނުތައް އަޕްގްރޭޑުކޮށް އިންޖީނުގެތައް ރީލޮކޭޓުކުރުމުގެ މަސައްކަތް އެއްކޮށް ނިމާލުމަށް ކަމަށް ސައީދު ވަނީ ވިދާޅުވެފައެވެ.
ނެއްލައިދޫގެ ހުންނަ ސަރަހައްދުގެ ސަބަބުން ރަށުގެ ރައްޔިތުންގެ އެތައް އުދަގޫތަކެއް ކުރިމަތިވެއެވެ. އަދި އިންޖީނުގެ ކައިރީގައި ހުންނަ ގެތަކުގެ ގަސްގަހާގެއްސައް ދުމުގެ އަސަރު ކުރެއެވެ. ފެނަކައިގެ އަމާޒަކީ މިކަމަށް ހައްލެއް ގެނެސްދީ އިންޖީނުގެ ޒަމާނީ ފެންވަރަށް ބަދަލު ކޮށްލުމެވެ.
