ރަހީނު ކުރި މީހާ ހުރީ ފުލުހުންގެ ހިމާޔަތުގައި
12 އޮކްޓޯބަރު 2020 | ހޯމަ 01:02ރަހީނު ކޮށްފައިވަނީ މާލޭގައި މަސައްކަތް ކުރާ ބަންގްލަދޭޝް މީހެއް
ރާއްޖޭގައި ގަވާއިދާ ޚިލާފަށް އުޅޭ ބިދޭސީން
އާދިއްތަ ދުވަހު މީހަކު ރަހީނު ކުރި މައްސަލާގައި އަނިޔާ ލިބުނު މީހާ މިހާރު ހުރީ ފުލުހުންގެ ހިމާޔަތުގައި ކަމަށް އެ އިދާރާއިން ބުނެފިއެވެ.
ފުލުހުންގެ އިދާރާ އިން ބުނީ ރަހީނު ކޮށްފައިވަނީ މާލޭގައި މަސައްކަތް ކުރާ ބަންގްލަދޭޝް މީހެއް ކަމަށެވެ. އޭނާ ރަހީނު ކޮށްފައިވަނީ މާލޭގައި އުޅޭ ބަންގްލަދޭޝް ބައެއް ކަމަށް ވެސް ފުލުހުން ވަނީ ބުނެފައެވެ.
ފުލުހުން ބުނީ މި މައްސަލަ އެ އިދާރާއަށް ހުށަހަޅާފައިވަނީ އާދިއްތަ ދުވަހުގެ ރޭ ކަމަށާއި މައްސަލާގައި ތުހުމަތު ކުރެވޭ މީހާވެސް މިހާރު ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.
އަދި މި މައްސަލަ މިހާރު ފުލުހުން ތަޙްޤީގް ކުރަމުން ގެންދާއިރު، ރަހީނު ކުރި ފަރާތުން ވަނީ އެ ބަންގްލަދޭޝް މީހާގެ ބައްޕައަށާއި އަންހެނުންނަށް ގުޅާ ގިނަ އަދަދަކަށް ފައިސާ ހޯދުމަށް އެދިފައި ކަމަށް މައުލޫމާތު ލިބެއެވެ.
ރަހީނު ކުރެވުނު ބަންގްލަދޭޝް މީހާ ރަހީނު ކުރެވުނުކަން އޭނާ މަސައްކަތް ކުރާތަނުގެ އިސް ފަރާތަށް އެންގީ އެ މީހާއާއި އެކު މަސައްކަތް ކުރާ އެހެން ބަންގްލަދޭޝް މީހެކެވެ.
މީގެ ކުރިންވެސް މިފަދަ ބައެއް ހާދިސާތައް މާލޭގައި ހިނގާފައިވާއިރު ބިދޭސީންގެ މެދުގައި މާރާމާރީގެ މައްސަލަތައް ވެސް ހިނގާފައިވެއެވެ.
