ރަޝިޔާއިން އެއްދުވަހާ ރެކޯޑް އަދަދަކަށް މީހުން ޕޮޒިޓިވް ވެއްޖެ

ފާއިތުވި 24 ގަޑިއިރު ތެރޭގައި ރަޝިޔާ އިން ރެކޯޑް އަދަދަކަށް މީހުން ޕޮޒިޓިވް ވެއްޖެއެވެ.

ރިޕޯޓްތައް ބުނާގޮތުން ފާއިތުވި 24 ގަޑިއިރު ތެރޭގައި އެގައުމުން 13،634 މީހަކު ވަނީ ކޮވިޑް-19 އަށް ޕޮޒިޓިވް ވެފައެވެ.

އެއާއި އެކު މިހާތަނަށް ރަޝިޔާއިން ކޮވިޑް-19 އަށް ޕޮޒިޓިވްވި މީހުންގެ ޖުމްލަ އަދަދު ވަނީ 1،298،718 އަށް އަރާފައެވެ.

އެގައުމުގެ ކޮވިޑް-19 ޓާސްކްފޯސްއިން ހާމަކޮށްފައިވާގޮތުން އެއްދުވަސްތެރޭ 149 މީހުން ވަނީ މަރުވެފައެވެ.

އެއާއި އެކު ކޮވިޑް ޖެހިގެން ރަޝިޔާއިން މަރުވި މީހުންގެ ޖުމްލަ އަދަދު ވނީ 22597 އަށް އަރާފައެވެ.

145 މިލިއަނެއްހާ މީހުންގެ އާބާދީއެއް އޮންނަ ރަޝިޔާ ވެގެން ގޮސްފައިވަނީ ހަތަރު ވަނަ އަށް އެންމެ ގިނަ ކޭސްތައް ރެކޯޑް ކުރެވިފައިވާ ގައުމަށެވެ.