ކ. މާލެ
|
11 އޮކްޓޯބަރ 2020 | އާދީއްތަ 08:42
ބްރެޒިލްގައި މީހުން ވަޅުލުމުގެ މަސައްކަތުގައި ހަރަކާތްތެރިވާ ޓީމަކުން ސަންދޯކެއް އުފުލަނީ
ބްރެޒިލްގައި މީހުން ވަޅުލުމުގެ މަސައްކަތުގައި ހަރަކާތްތެރިވާ ޓީމަކުން ސަންދޯކެއް އުފުލަނީ
ރޮއިޓަރސް
ކޮވިޑް-19: ބްރެޒިލްގެ ހާލަތު
ބްރެޒިލްގައި ކޮވިޑް ޖެހިގެން މަރުވި މީހުންގެ އަދަދު ދޮޅު ލައްކައިން މައްޗަށް!
 
ބްރެޒިލްގެ ހާލަތު އެންމެ ގޯސް ދުވަސްވަރު ދުވާލެއްގެ މައްޗަށް 1000 މަރު ރިޕޯޓްކޮށްފައިވޭ
 
މުޅި ދުނިޔެއިން ދެވަނައަށް އެންމެ ގިނަ ބަޔަކު މަރުވެގެން ރިޕޯޓްކޮށްފައި ވަނީ ބްރެޒިލްއިން
 
މަރުވި މީހުންގެ ޖުމްލަ އަދަދަކީ 150،682، ޕޮޒިޓިވް މީހުންގެ އަދަދު 5 މިލިއަނުން މަތީގައި

ބްރެޒިލްގައި ކޮވިޑް-19 ޖެހިގެން މަރުވިމީހުންގެ އަދަދަދު 150،000ށް ވުރެ މައްޗަށް އަރައިފިއެވެ.

ބްރެޒިލްގެ ކަމާބަހޭ ރަސްމީ އިދާރާތަކާއި ހަވާލާދީ ޖޯން ހޮޕްކިންސް ޔުނިވަރސިޓީން ޝާއިއުކޮށްފައިވާ އަދަދުތަކަށް ބަލާއިރު، ހޮނިހިރު ދުވަހުގެ ނިޔަލަށް އެ ގައުމުން 150،682 މީހަކު ވަނީ މި ބަލީގައި މަރުވެފައެވެ. މުޅި ދުނިޔެއަށް ބަލާއިރު، މި ބަލީގައި ދެވަނައަށް އެންމެ ގިނަ މީހުން މަރުވެގެން ރިޕޯޓްކޮށްފައިވަނީ ބްރެޒިލްއިންނެވެ.

ކޮވިޑް ޖެހިގެން ބްރެޒިލްއިން މަރުވި މީހުންގެ އަދަދުތައް ދޮޅު ލައްކައަށް އެރި ނަމަވެސް، ނިމިދިޔަ ހަފުތާތަކުގެ ތެރޭގައި އެ ގައުމުން މަރުވެގެން ރިޕޯޓްކުރާ އަދަދުތައް ވަނީ ދަށަށް ދާން ފަށާފައެވެ. އެ ގައުމުގެ ހާލަތު އެންމެ ގޯސްވެގެން ދިޔައިރު، ދުވާލެއްގެ މަައްޗަށް 1000ށް ވުރެ ގިނަ މަރު ވަނީ ރިޕޯޓްކޮށްފައެވެ.

ބްރެޒިލްގެ ހާލަތު ގޮސްވާން ދިމާވީ މަރުކަޒީ ސަރުކާރުން، ހާއްސަކޮށް އެ ގައުމުގެ ރައީސް ޖައީރް ބޮލްސޮނާރޯ، ނިންމި ނިންމުންތަކުގެ ސަބަބުން ކަމަށް ގިނަ ބަޔަކު ވަނީ ތުހުމަތުކޮށްފައެވެ. މި ވާހަކަތަކަށް ރައްދުދެއްވަމުން އެ ގައުމުގެ ނައިބު ރައީސް ހެމިލްޓަން މޮރޯ ވިދާޅުވީ، ބަލި ފެތުރުން ކޮންޓްރޯލް ނުވެގެން އުޅެނީ އާންމުންނަށް ދެވިފައިވާ އިރުޝާދުތަކަށް ބޯނުލަނބާތީ ކަމަށެވެ.

މޮރޯ މިހެން ވިދާޅުވިއިރު، ރައީސް ބޮލްސޮނާރު ވަނީ ތަކުރާރުކޮށް ސިއްހީ މާހިރުން ދީފައިވާ އިރުޝާދުތަކަށް ގޮންޖައްސަވާފައެވެ. އަދި މިއީ އާދައިގެ ރޯގާއެއް ކަމަށް ވިދާޅުވާ ބަސްފުޅު އެމަނިކުފާނު އަންނަނީ އަދިވެސް ތަކުރާރުކުރައްވަމުުންނެވެ. ބޮލްސޮނާރޯ ވަނީ މި އާލަމީވަބާގެ ތެރޭގައި ގިނަ މީހުން އެއްވާ ރެލީތަކެއްވެސް ބާއްވަވާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
0%
100%
0%
0%
0%
ކޮމެންޓް