ރާއްޖެ
ގއ. ދާންދޫގައި ހިންގި މާރާމާރި
ގއ. ދާންދޫގައި ހިންގި މާރާމާރި އާއި ގުޅިގެން 9 މީހަކު ހައްޔަރުކޮށްފި
މި މާރާމާރީގައި 3 މިހަކަށް އަނިޔާ ލިބިފައިވޭ
އަބުދުﷲ ނަސީރު އިބްރާހިމް, ރާއްޖެ އެމްވީ | 2 އޮކްޓޯބަރު 2020 | ހުކުރު 19:21
ގއ. ދާންދޫ
ގއ. ދާންދޫގައި ދެ ބަޔެއްގެ ދޭތެރޭގައި ހިންގި މާރާމާރި އާއި ގުޅިގެން ކޯޓު އަމުރެއްގެ ދަށުން ނުވަ މީހަކު ހައްޔަރުކޮށްފިއެވެ.
މި މާރާމާރި ހިންގާފައިވަނީ ބުރާސްފަތި ދުވަހުގެރޭ 23:25 ހާއިރުއެވެ. ފުލުހުން ބުނީ މި މާރާމާރީގައި ތިން މީހަކަށް އަނިޔާ ލިބިފައިވާކަމަށެވެ. އޭގެތެރެއިން އެކަކުގެ ހާލު ސީރިއަސްވެ، މާލެ ގެނެސްފައި ވެއެވެ.
އެ މައްސަލައިގައި ހުކުރު ދުވަހު 9 މީހަކު ހައްޔަރުކޮށްފައިވާކަން ހާމަކޮށް، ފުލުހުން ބުނީ ހައްޔަރުކުރި އެންމެންވެސް ހައްޔަރުކޮށްފައިވަނީ ކޯޓު އަމުރެއްގެ ދަށުން ކަމަށެވެ. އަދި ފުލުހުން މި މައްސަލަ އިތުރަށް ތަހުޤީޤްކުރަމުން އަންނަކަމަށް އެެ އިދާރާއިން ބުންޏެވެ.
