މުޅި ދުނިޔެއިން ކޮވިޑް-19 އަށް ޕޮޒިޓިވްވި މީހުންގެ ތެރެއިން 96 އިންސައްތަ މީހުން ބަލިން ރަނގަޅުވެއްޖެއެވެ.

ވަރލްޑޮމީޓާސް އިން އާންމުކޮށްފައިވާ ކޮވިޑް-19 ގެ އެންމެ ފަހުގެ ތަފާސްހިސާބުތަައް ދައްކާގޮތުން މި ބައްޔަށް މިހާތަނަށް ޕޮޒިޓިވްވި 34,396,402 މީހުންގެ ތެރެއިން 25,586,891 މީހުން ވަނީ ބަލިން ރަނގަޅުވެފައެވެ.

އެގޮތުން މިހާތަނަށް އެންމެ ގިނަ އަދަދެއްގެ ބަޔަކަށް ކޮވިޑް ޖެހިފައިވާ އެމެރިކާއިން ވެސް ބަލި ޖެހުނު މީހުންގެ ތެރެއިން 4.7 މިލިއަން މީހުން ބަލިން ރަނގަޅުވެފައިވާ އިރު، ބްރެޒިލްއިން ބަލިޖެހުނު މީހުންގެ ތެރެއިން ބަލިން ރަނގަޅުވެފައި ވަނީ 4.1 މިލިއަން މީހުންނެވެ. އެމެރިކާއިން މިހާތަނަށް 7.4 މިލިއަން މީހުން ކޮވިޑް-19 އަށް ޕޮޒިޓިވްވެފައި ވާއިރު، ބްރެޒިލް އިން ޕޮޒިޓިވްވެފައި ވަނީ 4.8 މިލިއަން މީހުންނެވެ.

މިހާތަނަށް އައި އިރު، އެންމެ ގިނަ އަދަދެއްގެ ބަޔަކު ބަލިން ރަނގަޅުވެފައި ވަނީ އިންޑިއާ އިންނެވެ. އެ ގައުމުން ކޮވިޑް-19 އަށް ޕޮޒިޓިވްވި 6.3 މިލިއަން މީހުންގެ ތެރެއިން 5,348,653 މީހުން ވަނީީ ބަލިން ރަނގަޅުވެފައެވެ.