ކ. މާލެ
|
1 ޖެނުއަރީ 2018 | ހޯމަ 21:21
ރައީސް މަޑޫރޯ
ރައީސް މަޑޫރޯ
ގޫގުލް
ވެނެޒުވޭލާ
ވެނެޒުވޭލާގެ މިނިމަމް ވޭޖް އަށް 40 އިންސައްތައިގެ ކުރިއެރުމެއް ގެންނަނީ
 
މި ނިންމުމުގެ ސަބަބުން މިހާރު ވެސް ގައުމުގައި މަތިވެފައިވާ އިންފްލޭޝަންގެ މައްސަލަ އިތުރަށް ގޯސްވެގެން ދާނެ

ވެނެޒުވޭލާގައި މަސައްކަތްތެރިން ލައްވައި މަސައްކަތްކުރެވޭނެ އެންމެ ކުޑަ އަގު ނުވަތަ މިނިމަމް ވޭޖް އަށް 40 އިންސައްތައިގެ ކުރިއެރުމެއް ގެންނަން އެގައުމުގެ ސަރުކާރުން ނިންމައިފިއެވެ.

ރިޕޯޓުތައް ބުނާ ގޮތުން މިނިމަމް ވޭޖް އަށް މިހާރަށް ވުރެ 40 އިންސައްތައިގެ ކުރިއެރުމެއް ގެންނަން ނިންމުމުގެ ސަބަބުން ގައުމުގައި މަތިވެފައިވާ އިންފްލޭޝަންގެ މައްސަލަ އިތުރަށް ގޯސްވެގެން ދާނެއެވެ.

ވެނެޒުވޭލާގެ ރައީސް ނިކޮލަސް މަޑޫރޯ އެގައުމުގެ މިނިމަމް ވޭޖް އިތުރުކުރަން ނިންމެވިކަން ހާމަކުރެއްވީ 2017 ވަނަ އަހަރުގެ ނިންމުމުގެ ގޮތުން ދެއްވި ތަގުރީރެއްގައެވެ. މަޑޫރޯގެ ނިންމެވުން ދިފާއުކުރައްވައި އެމަނިކުފާނު ވިދާޅުވީ މިނިމަމް ވޭޖް އިތުރުކުރަން ނިންމުމުގެ ސަބަބުން "މަސައްކަތްތެރިންނަށް ރައްކާތެރިކަން ލިބިގެންދާނެ" ކަމަށެވެ. އަދި އެމެރިކާ އާއި އަދިވެސް އެހެނިހެން ގައުމުތަކުން އިގްތިސާދީ ހަނގުރާމައެއް ވެނެޒުވޭލާއާ ދެކޮޅަށް ކުރަމުންދާ ކަމަށް ވެސް މަޑޫރޯ ވިދާޅުވިއެވެ.

މިދިޔަ އަހަރުގެ ކުރީކޮޅު އެމެރިކާ އިން ވަނީ "ރައީސް މަޑޫރޯއަކީ ވެނެޒުވޭލާގެ ރައްޔިތުންގެ އެދުމަށް ބޯނުލަނބާ ވެރިއެއް" ކަމަށް ބުނެ، ރައީސް މަޑޫރޯއާ ދެކޮޅަށް ދަތިކުރުމުގެ ފިޔަވަޅު އަޅާފައެވެ. މީގެ އިތުރުން 2017 ވަނަ އަހަރު ވެނެޒުވޭލާގައި ރައީސް މަޑޫރޯ އަށް ވަފާތެރި ގާނޫނު ހަދާ މަޖިލީހެއް އުފެއްދުމުގެ ސަބަބުން ގައުމު ވަރަށް ބޮޑަށް ހަލަބޮލިވެ ގިނަ މުޒާހަރާތަކެއް ވެސް ކުރިއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް