ހުކުރު 30 އޮކްޓޯބަރ 2020
13 ހެއި
1442 ރަބީއުލް އައްވަލް 13
ފަތިސް 04:36
އިރުއަރާ 05:49
މެންދުރު 11:54
އަސްރު 15:11
އިރުއޮއްސޭ 17:51
އިޝާ 19:04
އެއިޑްސް ބަލިން ރަނގަޅުވި މީހާ

އެއިޑްސް ބަލިން ރަނގަޅުވި ފުރަތަމަ މީހާ ކެންސަރު ބަލީގައި މަރުވެއްޖެ

  • މަރުވެފައިވަނީ އުމުރުން 54 އަހަރުގެ ޓިމޮތީ ރޭ ބްރައުން
  • އޭނާއަކީ މި ބައްޔަށް ފަރުވާއެއް ހޯދިދާނެކަމުގެ އުއްމީދު އާކޮށްދިން މީހެއް
  • އޭނާގެ ބޯން މެރޯގެ ސެލްތައް ހަލާކުވެ، ބޯން މެރޯ ޓްރާންސްޕްލާންޓެއް ހަދަން ޖެހުނު

ކ. މާލެ | 1 އޮކްޓޯބަރ 2020 | ބުރާސްފަތި 02:52 | 10,315

އުމުރުން 54 އަހަރުގެ ޓިމޮތީ ރޭ ބްރައުން- އޭނާއަށް ވަނީ ލޭގެ ކެންސަރުގެ ބައްޔެއް ޖެހިފައި - ގެޓީ އިމޭޖާސް

އެއިޑްސް ބަލި ހަށިގަނޑަށް ޖައްސާ އެޗްއައިވީ ވައިރަސް އިން އެންމެ ފުރަތަމަ ރަނގަޅުވި މީހާ ބުދަ ދުވަހުގެ ވަގުތެއްގައި މަރުވެއްޖެއެވެ.

ބްރައުންއަށް އެއިޑްސް ޖެހިގެން ރިޕޯޓް ކޮށްފައިވަނީ 1995 ވަނަ އަހަރުއެވެ. އެއަށްފަހު 2007 ވަނަ އަހަރު އޭނާއަށް ވަނީ ލޭގެ ކެންސަރުގެ ބާވަތެއް ކަމަށްވާ އެކިއުޓް މައިލޮއިޑް ލުކީމިއާ ޖެހިފައެވެ. މި ބައްޔަށް ދިން ފަރުވާގެ ސަބަބުން އޭނާގެ ބޯން މެރޯގެ ސެލްތައް ހަލާކުވެ، ބޯން މެރޯ ޓްރާންސްޕްލާންޓެއް ހަދަން ޖެހުނު ކަމަށް ރިޕޯޓްތައް ބުނެއެވެ.

"ބާރލިން ޕޭޝަންޓް" ގެ ނަމުން ނަން ދެވިފައިވާ އުމުރުން 54 އަހަރުގެ ޓިމޮތީ ރޭ ބްރައުންއަކީ އެއިޑްސް ބައްޔަށް ފަރުވާއެއް ހޯދިދާނެކަމުގެ އުއްމީދު އާކޮށްދިން މީހެއްކަމަށް އިންޓަރނޭޝަނަލް އެއިޑްސް ސޮސައިޓީއާ ޙަވާލާދީ ބީބީސީގައި ރިޕޯޓް ކޮށްފައިވެއެވެ.

ބްރައުންއަށް ބޯންމެރޯ ޓްރާންސްޕްލާންޓް ދިން މީހާއަކީ އުފެދުމުގައި ވެސް އެއިޑްސް ވައިރަސްއަށް އިމިއުން މީހެކެވެ. އެގޮތުން މަދުން ނޫނީ ދިމާނުވާ މި ޙާލަތަކީ ހަށިގަނޑުގެ ޑީއެންއޭގެ ބައެއް "މިއުޓޭޓްވެފައި" ވުމުގެ ސަބަބުން ސެލްތަކަށް ދިމާވާ ޙާލަތެއް ކަމަށްވެސް ރިޕޯޓް ކޮށްފައިވެއެވެ.

ބޯންމެރޯއަށް ފަހު ބްރައުންގެ ހަށިގަނޑުން ވައިރަސް ވަނީ ނެތިގެން ގޮސްފައެވެ. މި ކޭސްއާ ގުޅިގެން އެއިޑްސްއަށް ފަރުވާއެއް ހޯދިދާނެ ކަމަށް ސައިންސްވެރިން ކުރަމުންދާ އުއްމީދު ވަނީ ބޮޑުވެފައެވެ.

ދުނިޔޭގެ ސިއްހަތު ޖަމިއްޔާ (ޑަބްލިޔުއެޗްއޯ) އިން އަންދާޒާ ކުރާ ގޮތުގައި ދުނިޔޭގައި އެއިޑްސް ބަލި ތަހައްމަލު ކުރަމުންދާ 36.9 މިލިއަން މީހުން ދިރިއުޅެއެވެ. އަދި 2017 ވަނަ އަހަރު އެކަނިވެސް 1.8 މިލިއަން މީހުންނަށް މި ބަލި ޖެހިފައިވާ ކަމަށް ވެސް އެ ޖަމިއްޔާއިން ވަނީ ހާމަކޮށްފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.