ޖަރުމަނުގައި ކުދިން މަރާ މީހާ ހައްޔަރުކޮށްފި
ކުއްޖާގެ ހަށިގަނޑު ފެނިފައިވަނީ މާސެލް ހެސީ ގެ ކޮޓަރިން
އުމުރުން 19 އަހަރުގެ މާސެލް ހައްޔަރު ކުރީ ހާންގެ ރެސްޓޯރެންޓަކުން
ނުވަ އަހަރުގެ ކުއްޖަކު މަރާލި ކަމުގެ ތުހުމަތުގައި ޖަރުމަނުގެ ފުލުހުން މުޅި ގައުމަށް އިއުލާނުކޮށްގެން ހޯދަމުން ދިއަ ފުރާއުމުރުގެ ޒުވާނާ ހައްޔަރުކޮށްފިއެވެ
އެ ޒުވާނާ ގެ މައްޗަށް ތުހުމަތު ކުރެވެނީ އޭނާގެ އަވަށްޓެރިއެއްކަމަށްވާ އުމުރުން ނުވަ އަހަރުގެ ކުއްޖަކު މަރާލީ އޭނާ ކަމަށެވެ.
ހޯމަ ދުވަހު އެ ކުއްޖާގެ ހަށިގަނޑު ފެނިފައިވަނީ މާސެލް ހެސީ ގެ ކޮޓަރިންނެވެ.
ފުލުހުން ބުނީ އެ ކުއްޖާ މަރާލުމަށްފަހު މާސެލް އެކުއްޖާގެ ހަށިގަނޑު ފޮޓޯނަގައި އޮންލައިނަށް ލާފައިވާކަމަށެވެ.
އުމުރުން 19 އަހަރުގެ މާސެލް ހައްޔަރު ކުރީ ހުޅަނގުގެ ސިޓީއެއްކަމަށްވާ ހާންގެ ރެސްޓޯރެންޓެއްގައި އިންދައި އޭނާކަން ފާހަގކުރެވުމުން ކަމަށް ޖަރުމަނުގެ މީޑިއާތަކުގައި ރިޕޯޓް ކޮށްފައިވެއެވެ.
އޭގެ ފަހުން އެތަނުގެ ކައިރީ ހުރި ފްލެޓެއްގައި އަލިފާން ރޯވެފައިވާ ކަމަށް ބުނުމުން އެތަނަށް ދިއައިރު އެތަނުންވެސް މަރުވެފައި އޮތް މީހެއްގެ ހަށިގަނޑު ފެނިފައިވާކަމަށް ފުލުހުން ބުނެއެވެ.
އަންހެނަކު މެރުމަށްފަހު ޗެޓް ރޫމެއްހަދައި އޭގައި ފޮޓޯތައް ޕަބްލިޝް ކުރުމަށްފަހު އެ ވާހަކަ ފަޚުރުވެރިކަމާއެކު ދައްކަމުންދާކަމަށްވެސް ހެސީގެ މައްޗަށް ތުހުމަތު ކުރެވެއެވެ.
ފުލުހުންގެ ތަރުޖަމާނު ވިދާޅުވީ މަރުވެފައި އޮއްވައި ބުރާސްފަތި ދުވަހު ފެނިފައިވަނީ ފިރެހެނެއްކަމަށެވެ.
މަރުވެފައި އޮއްވައި ފެނުނު ނުވަ އަހަރުގެ ކުއްޖާގެ އެތަން މިތަނަށްވަނީ ވަޅިހަރާފައެވެ.
މަންޒަރު ދުށްމީހަކު ބުނީ ހެސީގެ ހަމަލާތަކާ ބެހޭ މައުލޫމާތު އޭނާ ހާމަކުރީ ވަޓްސް އެޕްގައި ކަމަށެވެ.
އޭނާ ވަނީ ހެސީ ބޭނުންވީ އަމިއްލަ އަށް މަރުވާން ކަމަށާއި އެކަން ނުވުމުން ބަދަލުގައި ކުއްޖަކު މަރާލީކަމަށެވެ.
މަރާލާފައިވާ ކުއްޖާގެ ކައިރީގައި ހެސީ ހުއްޓިހުރެ ނަގާފައިވާ ފޮޓޯތައް އޭނާވަނީ އިންޓަނެޓަށްލާފައެވެ.
