ދުނިޔޭގެ މިވަގުތު ހުރި އެންމެ ބޮޑެތި ވޯޓަރ ވިލާތައް ރާއްޖެ ސޮނެވާފުށީގައި ހުޅުވައިފި

ދުނިޔޭގެ މިވަގުތު ހުރި އެންމެ ބޮޑެތި ވޯޓަރ ވިލާތައް ރާއްޖޭގެ ސޮނެވާފުށީގައި ހުޅުވައިފިއެވެ.

މި ވިލާތައް ހުުޅުވާފައިވަނީ ހުކުރު ދުވަހުގައެވެ. ސޮނެވާފުށިން ބުނީ އިއްޔެ އެ ރިސޯޓުގައި ހުޅުވާފައިވަނީ ދުނިޔޭގެ އެންމެ ބޮޑު އެއް ކޯޓަރީގެ ވިލާތަކާއި ދެ ކޮޓަރީގެ ވޯޓާ ވިލާތަކެއް ކަމުގައެވެ.

ވިލާތަކުގެ ތެރެއިން އެއް ކޮޓަރީގެ ވިލާއެއްގެ އަގު އުޅެނީ ރެއަކަށް 2،626 ޑޮލަރަށް ކަމަށް ވީއިރު ދެ ކޮޓަރީގެ ވިލާތަކުގެ އަގު އުޅެނީ ރެއަކަށް 5،332 ޑޮލަރަށެވެ. "ވޯޓަރ ރޫމްސް" ގެ ނަން ދީފައިވާ އެންމެ ބޮޑު ވިލާތަކުގެ ޖުމްލަ އަށް ވިލާ ސޮނެވާފުށީގައި ހިމެނޭނެ ކަމަށް އެ ރިސޯޓުން ބުނެއެވެ.

އަދި ސޮނެވާފުށިން ބުނާގޮތުގައި އެއް ކޮޓަރީގެ ވޯޓާ ވިލާތަކުގެ ބޮޑުމިނުގައި 6،286 ސްކޮޔާ ފީޓް ހުންނާނެއެވެ. އަދި ދެކޮޓަރީގެ ވޯޓާ ވިލާތަކުގެ ބޮޑުމިނުގައި 9،224 ސްކޮޔާ ފީޓް ހުންނާނެއެވެ.

އެ ވިލާތަކުގެ ސައިޒުން ބޮޑުވުމުގެ އިތުރުން ތަޅުމަށް ބިއްލޫރި ޕެނަލް ބޭނުންކޮށްފައި ވާނެ ކަމަށްވެސް އެ ރިސޯޓުން ވަނީ ބުނެފައެވެ. އެއީ ފައިގެ ދަށުން މޫދާއި މުރަކަތައް ރީތިކޮށް ބަލާލުމަށް ފުރުސަތު ދިނުމަށްކަމަށް ސޮނެވާފުށިން ބުނެއެވެ.

މީގެ އިތުރުން ވެސް ވިލާގެ މަތިން މޫދަށް ދެވޭ ގޮތަށް ހާއްސަ ސްލައިޑެއް ވެސް އެ ވިލާތަކުގައި ހަރުކޮށްފައި ހުންނާނެ ކަމަށް ސޮނޭވާ ފުށިން ބުނެއެވެ. އެއީ ސޮނެވާގެ އިތުރު އައުޓްލެޓްއެއް ކަމަށްވާ ސޮނެވާ ޖާނީގައި ވެސް ހުރި ވޯޓާ ވިލާތަކުގައި ބޭނުންކޮށްފައިވާ ހިދުމަތެކެވެ.