ޓީ-ބިލާއި ޓީ-ބޮންޑުގެ ނުދައްކާ ހުރި އަދަދު ދަށްވެއްޖެ

ޖުލައި މަހު ސަރުކާރުގެ ކޭޝް ފްލޯ ހަމަޖެއްސުމަށްޓަކައި ސަރުކާރުން ދޫކޮށްފައިވާ ސެކިއުރިޓީސް (ޓީބަލާއި އަދި ޓީބޮންޑް) ނުދައްކާ ހުރި އަދަަދު ތިން ޕަސެންޓަށް ދަށްވެފައިވާ ކަމަށް މަރުކަޒީ ބޭންކް އެމްއެމްއޭ އިން ބުނެފިއެވެ.

އެމްއެމްއޭ އިން ނެރެފައިވާ "އިގްތިސާދީ ރިވިއު" ގައިވާ ގޮތުން ޖުލައި މަހުގެ ނިޔަލަށް ޓީ-ބިލާއި ޓީ-ބޮންޑުގެ ނުދައްކާ ހުރި އަދަދު 22.3 ބިލިއަން ރުފިޔާ އަށް އަރަ އެވެ. މަހުން މަހަށް ބަލާއިރު މި އަދަދު ވަނީ ތިން ޕަސެންޓް، 601.4 މިލިއަން ރުފިޔާ ދަށްވެފަ އެވެ. އަދި ޓީ-ބޮންޑުގެ ނުދައްކާ ހުރި އަދަދު ވެސް އެއް ޕަސެންޓް، 61.9 މިލިއަން ރުފިޔާ ދަށްވެފައިވާ ކަމަށް އިގްތިސާދީ ރިވިއުގައި ބުނެފައިވެއެވެ.

އެމްއެމްއޭގެ ރިވިއުގައި ބުނެފައިވާ ގޮތުގައިމި އަދަދު ދަށްވުމުގެ މައިގަނޑު ސަބަބަކީ ވިޔަފާރި ބޭންކްތަކުން ޓީ-ބިލަށް އިންވެސްޓްކޮށްފައިވާ އަދަދު ދަށްވުމެވެ.

ރިވިއުގައިވާ ގޮތުގައިވާ ގޮތުގައި އަހަރު ދުވަހަށް ބަލާއިރު ސަރުކާރުން ދޫކޮށްފައިވާ ސެކިއުރިޓީސްގެ އައުޓް ސްޓޭންޑިންގެ އަދަދު ޖޫން މަހު ވަނީ ފަސް ޕަސެންޓް، ގާތްގަނޑަކަށް 1.1 ބިލިއަން ރުފިޔާ އިތުރުވެފަ އެވެ. މައިގަނޑު ސަބަބަކީ ޓީ-ބޮންޑްގެ އައުޓްސްޓޭންޑިން އަދަދު 19 ޕަސެންޓް [1.5 ބިލިއަން ރުފިޔާ] މައްޗަށް ދިއުމެވެ.

ނަމަވެސް މި މުއްދަތުގެ ތެރޭގައި ޓީ-ބިލްގެ އައުޓް ސްޓޭންޑިން އަދަދު ވަނީ 3 ޕަސެންޓް [409.8 މިލިއަން ރުފިޔާ] ދަށްވެފަ އެވެ. ޓީބޮންޑްގެ އައުޓްސްޓޭންޑިން އަދަދު އިތުރުވެފައިވަނީ ސަރުކާރުން ދޫކޮށްފައިވާ ޓީ-ބިލްތަކުން ބައެއް ޓީ-ބޮންޑަށް ފާއިތުވި އަހަރުގެ ތެރޭގައި ބަދަލުކޮށްފައިވުމާ ގުޅިގެންނެވެ. އަދި ޓީ-ބިލްގައި އިންވެސްޓްކޮށްފައިވާ އަދަދު ދަށްވެފައިވަނީ ބޭންކުނޫން މާލީ އިދާރާތަކުންނާއި ޕަބްލިކް ނޮން ފައިނޭންޝަލް ކޯޕަރޭޝަންރަކުން ޓީ-ބިލްގައި އިންވެސްޓްކޮށްފައިވާ އަދަދު ދަށްވުމާ ގުޅިގެންނެވެ،" އެމްއެމްއޭއިން ބުނެފައިވެ އެވެ.