ކޮވިޑް-19 ވެކްސިން އަންނަ އަހަރުގެ ކުރީކޮޅު ތައްޔާރުވާނެ ކަމަށް ޗައިނާއިން ބުނެފިއެވެ.
ޗައިނާގެ ފާމަސޫޓިކަލް ކުންފުނިން ބުނެފައިވަނީ ޗައިނާއިން އުފައްދާ ކޮވިޑް ވެކްސިން އަންނަ އަހަރުގެ ކުރީކޮޅު އެމެރިކާ ހިމެނޭ ގޮތަށް ދުނިޔޭގެ އެކި ކަންކޮޅުތަކަށް ބަހާލެވޭނެ ކަމަށެވެ.
ސިނޯވެކްގެ ސީއީއޯ ޔިން ވީޑޮނގް ވިދާޅުވެފައިވަނީ ވެކްސިންގެ ތިންވަނަ ޓްރެއަލް ނިމުމާއިއެކު ޔޫއެސްގެ ފުޑް އެންޑް ޑްރަގް އޮތޯރިޓީން އެގައުމުގައި ބޭނުން ކުރެވޭ ގޮތަށް ހަމަޖައްސާނެ ކަމަށެވެ.
ވެކްސިން ފުރަތަމަ ބޭނުން ކުރުމަށް ނިންމާފައިވަނީ ޗައިނާ އާއި އަދި ވޫހަން އަށް އެކަންޏެވެ. ނަމަވެސް މިދިޔަ ޖޫން، ޖުލައި ހާތަނުގައި ދުނިޔޭގެ އެކި ކަންކޮޅުތަކަށް ވެކްސިން ފޯރުކޮށްދިނުމަށް އެންމެ ފުރަތަމަ މި ވައިރަސް ފެނުނު ޗައިނާއިން ވަނީ ނިންމާފައެވެ.
އަހަރުމެންގެ މަޤްސަދަކީ ޔޫއެސް، އީޔޫ ހިމެނޭ ގޮތަށް ދުނިޔޭގެ ހުރިހާ ގައުމުތަކަށް ވެކްސިން ފޯރުކޮށްދިނުން.ސިނޯވެކް ގެ ސީއީއޯ ޔިން ވީޑޮނގް
އެމެރިކާ، ޔޫރަޕިއަން ޔޫނިއަން، ޖަޕާން އަދި އޮސްޓްރޭލިއާއިން އިން ދަނީ ޗައިނާ އިން އުފައްދަމުންދާ ވެކްސިން އަށް ފާޑުކިޔައި ވެކްސިން ގަތުމާއި ދެކޮޅަށް އަޑުއުފުލަމުންނެވެ. ނަމަވެސް ޔިން ވިދާޅުވެފައިވަނީ އެ ނިންމުން ބަދަލުކުރެވޭނެ ކަމަށެވެ.
ޔިން ވިދާޅުވެފައިވަނީ ވެކްސިންގެ ކްލިނިކަލް ޓްރެއަލްގައި 24000 އަށް ވުރެ ގިނަ މީހުން ބައިވެރިވާ ކަމަށާއި އޭގެ ތެރޭގައި ބްރެޒިލް ތުރުކީ އަދި އިންޑޮނޭޝިޔާގެ މީހުން ހިމެނޭ ކަމަށެވެ. މީގެ އިތުރުން ބަންގްލަދޭޝް އާއި ޗިލީ މީހުން ހިމަނައިގެން އިތުރު ޓްރެއަލްތަކެއް ކުރިއަށް ގެންދިއުމަށް ހަމަޖެހިފައިވާ ކަމަށް ޔިން ވަނީ ވިދާޅުވެފައެވެ.
ސިނޯވެކުން އެގައުމުތައް ޚިޔާރުކޮށްފައި މިވަނީ އެގައުތަކަކީ ކޮވިޑް-19 ގެ ނުރައްކައު ބޮޑު ގައުތަކަށް ވުމާއި، އާބާދީ ބޮޑު ގައުމުތަކަކަށް ވެފައި އަދި ސިއްޚީ ގޮތުން ކުރިއަރާފައިވާ ގައުމުތަކަށް ނުވާތީ ކަމަށް ޔިން ވިދާޅުވިއެވެ.
