ވިހަ ދިން ރަޝިޔާގެ އިދިކޮޅު ލީޑަރު ހޮސްޕިޓަލުން ދޫކޮށްލައިފި
ހޮސްޕިޓަލުން ދޫކުރެއްވީ އަންގާރަ ދުވަހު
ރަޝިޔާގެ އިދިކޮޅު ލީޑަރު އެލެކްސީ ނަވަލްނީ
ޖަރުމަނުވިލާގެ ހޮސްޕިޓަލުގައި 32 ދުވަސް ވަންދެން ފަރުވާ ހޯއްދެވުމަށްފަހު ރަޝިޔާގެ އިދިކޮޅު ލީޑަރު އެލެކްސީ ނަވަލްނީ ހޮސްޕިޓަލުން ދޫކޮށްލައިފިއެވެ.
ޖަރުމަނުގެ ބާލިންސް ޗަރިއްޓެ ހޮސްޕިޓަލުން ބުދަ ދުވަހު ނެރެފައިވާ ބަޔާނެއްގައި ވަނީ ރަޝިޔާގެ އިދިކޮޅު ލީޑަރުގެ ހާލުކޮޅު ރަނގަޅުވުމާއި ގުޅިގެން އަންގާރަ ދުވަހު ހޮސްޕިޓަލުން ދޫކޮށްލާފައިވާ ކަމަށެވެ.
ލޯގަނޑެއް ކުރިމަތީ ހުންނަވާ ނަންގަވާފައިވާ ފޮޓޯއެއް އިންސްޓަގްރާމްގައި ހިއްސާކުރައްވާ ނަވަލްނީ ވިދާޅުވެފައިވަނީ އޭނާ މިހާރު ވައްތަރީ "ލޯޑް އޮފް ދަ ރިންގްސް" ގެ ކެރެކްޓަރ އަކާއި ކަމަށެވެ.
ނަވަލްނީ ވަނީ ޖަރުމަނުގެ ހޮސްޕިޓަލުގައި ފަރުވާ ދެއްވި ޑޮކްޓަރުންނަށް ޝުކުރު އަދާކުރައްވާފައެވެ.
ނަވަލްނީގެ ސިކުނޑި މަސައްކަތްކުރާ ވަރު ރަނގަޅު ކުރުމަށް ފޮތް ކިއުމުގެ އިތުރުން ސޯޝަލް މީޑިއާގައި ލިޔެ ވީޑިއޯ ގޭމް ކުޅުމަށް އޭނާގެ ނިއުރޮލޮޖިސްޓް ވަނީ އިރުޝާދު ދެއްވާފައެވެ.
