އޮސްޓްރޭލިއާގައި މިޔަރު ހަމަލާއެއްގައި އަންހެންކުއްޖަކު މަރުވެއްޖެ

އޮސްޓްރޭލިއާގެ ހުޅަނގުގެ ސަރަހައްދުގައި ރާޅާ އަޅަން އުޅުނު ފުރާވަރުގެ އަންހެން ކުއްޖަކު މިއަރުގެ ހަަމަލާތަކަކަށް ފަހު މަރުވެއްޖެއެވެ.

ފުލުހުން ބުނީ އުމުރުން 17 އަހަރުގެ އެ ކުއްޖާ ހޯމަ ދުވަހުގެ ހަވީރު ހަތަރެއް ޖަހާކަންހާއިރު އެއްގަމަށް ގެނައީ އޭނާގެ ބައްޕަ ކަމަށެެވެ.

އެއްގަމަށް ގެނައިއިރު އޭނާއަށް ލިބިފައިހުރި ޒަޚަމްތައް ނާޒުކުއިރު އޭނާ މަރުވެފައި ވަނީ ހޮސްޕިޓަލަށް ގެންދިއަ ފަހުންނެވެ.

އެސްޕަރަންސްގެ ކައިރީގައި އޮންނަ މަޝްހޫރު ރާޅު ޕޮއިންޓެއްގައި މި ހާދިސާ ހިނގި އިރު އޭނާގެ މަންމަ އާއި އާއިލާގެ އިތުރު ދެ މެމްބަރަކު ވެސް އެ ސަރަހައްދުގައި ތިއްބެވެ.

މި ހާދިސާއަކީ އޮސްޓްރޭލިއާގެ ހުޅަނގުގެ ސަރަހައްދުގައި މި ވޭތުވެދިޔަ 12 މަސްދުވަހުގެ ތެރޭގައި ހިނގި މިފަދަ ނުރައްކާތެރި ތިންވަނަ ހާދިސާއެވެ.

އެންމެ ފަހުން މިިހިނގި ހާދިސާ ހިނގާފައިވަނީ 2014 ވަނަ އަހަރު ހިނގި ހާދިސާއެއްގައި ރާޅާއެޅުން ތެރިއެއްގެ އަތް ގެއްލުނު ހާދިސާ ހިނގި ސަރަހައްދެވެ.

މިހާދިސާ ތަހުގީގު ކުރުމަށްޓަކައި 48 ގަޑިއިރަށް އެސަރަހައްދު ވަނީ ބަންދުކުރެވިފައެވެ.