އެޕަލް ވޮޗް ސީރީސް 6 އަދި އެޕަލް ވޮޗް އެސްއީ މިހާރު ގަންނަން ލިބޭނެ ކަމަށް އެޕަލް އިން ބުނެފިއެވެ.

ސެޕްޓެމްބަރު މަހުގެ 15 ވަނަ ދުވަހު އެޕަލްގެ އާ ގަޑިތައް، އެޕަލް ވޮޗް ސީރީސް 6 އަދި އެޕަލް ވޮޗް އެސްއީ އެކުންފުނިން ލޯންޗުކޮށްފައިވާއިރު، ސެޕްޓެމްބަރު 18 ވަނަ ދުވަހުން ފެށިގެން މާކެޓުން ގަޑި ލިބެން ހުންނާނެ ކަމަށް އެކުންފުނިން ވަނީ ބުނެފައެވެ.

އެޕަލް ވޮޗް 6 އެއް 399 ޑޮލަރަށް ލިބެން ހުންނައިރު، އެޕަލް ވޮޗް އެސްއީގެ އަގަކީ 279 ޑޮލަރެވެ. އައު އެޕަލް ވޮޗްތައް ރިލީސް ކުރި ނަމަވެސް ވޮޗް ސީރީސް 3 ގެ ގަޑިތައް 199 ޑޮލަރަށް އަދިވެސް ލިބެން ހުންނާނެ ކަމަށް ކުންފުނިން ބުނެއެވެ.

އެޕަލް ވޮޗް ސީރީސް 6 އަދި އެޕަލް ވޮޗް އެސްއީގެ ޑިޒައިނަކީ އެޕަލް ވޮޗް ސީރީސް 5 ގެ ޑިޒައިންނެވެ. އަދި އެޕަލް ވޮޗް ސީރީސް 6 އެލުމިނިއަމް، ސްޓެއިންލެސް ސްޓީލް އަދި ޓައިޓޭނިއަމް އިން ލިބިގެންދާއިރު، ހާމަސް އަދި ނައިކްގެ މޮޑެލްތައް ވެސް ހިމެނޭ ކަމަށް އެޕަލް އިން ބުނެއެވެ.

އެޕަލް ވޮޗް އެސްއީ ލިބެނީ ހަމައެކަނި އެލުމިނިއަމް ކޮށެވެ. އެހެން ނަމަވެސް ތިން ކުލައަކުން މި ގަޑި ލިބޭން ހުންނާނެއެވެ.

އެޕަލް ވޮޗް ސީރީސް ގައި ހުންނަނީ ސީރީސް 5 ގައި ހުރި ކަލަ 'އޯލްވޭސް އޮން ރެޓީނާ' ޑިސްޕްލޭއެކެވެ. އަދި ސީރީސް 5 އަށްވުރެ 2.5 އިންސައްތަ ސީރީސް 6 އަލިގަދަ ވާނެ ކަމަށްވެސް ބުނެއެވެ. މީގެއިތުރުން އެސްއީ ގައި ހުންނަނީ އެޕަލްވޮޗް 4 ގައި ހުރިކަލަ ރެޓީނާ ޑިސްޕްލޭ އެކެވެ.

މި ދެ ގަޑިވެސް 40 މިލިމީޓަރަށް ނުވަތަ 44 މިލިމީޓަރަށް ލިބިގެންދާއިރު، މި ދެ ގަޑި އަކީ ވެސް 50 މީޓަރަށް ވޯޓަރ ރެސިސްޓެންޓް ދެ ގަޑިއެވެ.