އިންޑިއާގައި ކޮވިޑް-19 އިން ރަނގަޅުވާ މީހުންގެ އަދަދު ރެކޯޑް މިންވަރަކަށް އިތުުވެފައިވާ ކަމަށް ރިޕޯޓްތައް ބުނެފިއެވެ.

އެ ގައުމުގެ ހެލްތް މިނިސްޓްރީގެ މައުލޫމާތުތައް ދައްކާގޮތުން ފާއިތުވި 24 ގަޑިއިރު ތެރޭގައި ވައިރަސް އިން ފަސޭހަވި މީހުންގެ އަދަދު ވަނީ 95،880 އަރާފައެވެ. އިންޑިއާގައި ކޮވިޑް-19 ޖެހުނު މީހުންގެ ތެރެއިން ޖުމްލަ 42 ލައްކައަށްވުރެ ގިނަ މީހުން މިހާތަނަށް ވަނީ ބަލިން ފަސޭހަވެފައެވެ.

ހެލްތް މިނިސްޓްރީގެ މައުލޫމާތުތައް ދައްކާގޮތުގައި ވައިރަސްއިން ރަނގަޅުވާ މީހުންގެ އަދަދު ވަނީ 79.28 ޕަސެންޓް އިތުރުވެފައެވެ. އަދި މިއީ ރެކޯޑް އަދަދެއް ކަމަށް ހެލްތް މިނިސްޓްރީން މައުލޫމާާތުދެއެވެ.

އިންޑިއާގައި ކޮވިޑް ޖެހިގެން ފާއިތުވި 24 ގަޑިއިރު ތެރޭގައި މަރުވފައިވަނީ 1247 މީހެކެވެ. ވައިރަސްގެ ސަބަބުން މިހާތަނަށް މަރުވި މީހުންގެ ޖުމްލަ އަދަދަކީ 85،619 ކަމަށް ރިޕޯޓްތައް ބުނެއެވެ. އިންޑިއާއިން މިހާތަނަށް ޖުމަލް ޕޮޒިޓިވްވި މީހުންގެ އަދަދަކީ 5،308،014 އެވެ.

އިންޑިއާގައި ކޮވިޑް-19 އަށް ޓެސްޓްކުރަމުންދާ މިންވަރުވެސް ވަނީ އިތުުރުކޮށްފައެވެ. އެގޮތުން މިހާތަނަށް 61 މިލިއަނަށްވުރެ ގިނަ މީހުންގެ ސާމްޕަލް ވަނީ ޓެސްޓް ކުރެވިފައެވެ.