ބަންގްލަދޭޝް ހައި ކޮމިޝަނުން އައިޖީއެމްއެޗަށް ޕީޕީއީ ހަދިޔާ ކޮށްފި
13 ސެޕްޓެމްބަރު 2020 | އާދީއްތަ 13:16ބަންގްލަދޭޝްގެ ފަރާތުން އެތަކެތި ހަދިޔާކުރީ އެގައުމުން ރާއްޖެއަށް ކަނޑައަޅުއްވާފައި ހުންނަވާ ސަފީރު ރިއަރ އެޑްމިރަލް މުހައްމަދު ނަޒްމުލް ހަސަން
ބަންގްލަދޭޝް ހައި ކޮމިޝަނުން ޕީޕީއީ ހަވާލުކުރަނީ
ބަންގްލަދޭޝް ހައި ކޮމިޝަނުގެ ފަރާތުން އިންދިރާގާންދީ މެމޯރިއަލް ހޮސްޕިޓަލް (އައިޖީއެމްއެޗް) އަށް ޕީޕީއީ ހަދިޔާ ކޮށްފިއެވެ.
ޕީޕީއީ ހަދިޔާ ކުރުމަށް އައިޖީއެމްއެޗުގައި ބޭއްވި ރަސްމިއްޔާތުގައި ބަންގްލަދޭޝްގެ ފަރާތުން އެތަކެތި ހަދިޔާ ކުރީ އެގައުމުން ރާއްޖެއަށް ކަނޑައަޅުއްވާފައި ހުންނަވާ ސަފީރު ރިއަރ އެޑްމިރަލް މުހައްމަދު ނަޒްމުލް ހަސަންއެވެ. އަދި އެ ހޮސްޕިޓަލުގެ ފަރާތުން އެތަކެއްޗާއި ހަވާލުވެވަޑައިގެންނެވީ އައިޖީއެމްއެޗްގެ ސީއީއޯ އިބްރާހީމް ސަލީމެވެ.
ކޮވިޑްގެ ހާލަތުން އަރައިގަތުމަށް ސަރުކާރުން ކުރާ މަސައްކަތަށް އެހީތެރިވުމުގެ ގޮތުން އެކިއެކި ފަރާތްތަކުން އަންނަނީ އައިޖީއެމްއެޗަށް ސިއްހީ އާލާތްތައް ފޯރުކޮށްދެމުންނެވެ. އެގޮތުން އަލިފުޅު ތުއްތު ފައުންޑޭޝަނުން ވަނީ ޕީސީއާރު މެޝިނެއް ހަދިޔާ ކޮށްފައެވެ.
ކޮވިޑް-19 އާ ގުޅިގެން އެންމެ ފުރަތަމަ ކޮވިޑަށް ޓެސްޓް ކުރަމުން ގޮސްފައިވަނީ އައިޖީއެމްއެޗްގެ ލެބޯޓްރީންނެވެ.
