ކ. މާލެ
|
15 ޖެނުއަރީ 2017 | އާދީއްތަ 23:12
އެމްޑީޕީގެ ފަރާތުން ލޯކަލް ކައުންސިލް އިންތިހާބުގައި ވާދަކުރާ ބައެއް ކެންޑިޑޭޓުން
އެމްޑީޕީގެ ފަރާތުން ލޯކަލް ކައުންސިލް އިންތިހާބުގައި ވާދަކުރާ ބައެއް ކެންޑިޑޭޓުން
އަޒުމޫން އަހުމަދު
ކައުންސިލް އިންތިހާބު
ކެންޑިޑެސީ ބާތިލްކުރި މައްސަލަ ހައި ކޯޓަށް ހުށަހަޅައިފި
 
އެމްޑީޕީން ބުނެފައިވަނީ އިލެކްޝަންސް ކޮމިޝަންގެ ނިންމުން ޤާނޫނާއި ހިލާފު ކަމަށް
 
ކެނޑިޑެސީ ބާތިލްކުރުމަށް ނިންމި ނިންމުން، ކޯޓު އަމުރެއް ނެރެންދެން މަޑު ޖައްސާލުމަށް އެދިފައިވޭ
 
އެމްޑީޕީގެ ފަރާތުން ހައިކޯޓަށް މައްސަލަ ހުށަހެޅީ މިއަދު

ކައުންސިލް އިންތިކާބަށް ކުރިމަތިލި ކެންޑިޑޭޓުންގެ ކެންޑިޑެސީ ބާތިލްކުރި މައްސަލަ ހައި ކޯޓަށް ހުށައަޅައިފި އެވެ.

މި މަހުގެ 14 ވަނަ ދުވަހު ކައުންސިލް އިންތިހާބު ބާއްވަން ނިންމައި، 900 އަށް ވުރެ ގިނަ ކެންޑިޑޭޓުންގެ ކެންޑިޑެސީ ގަބޫލުކޮށްފައި ވަނިކޮށް، ކޯޓުންކުރި ހުކުމަކާ އެކު ދެ މަސްދުވަހަށް އިންތިހާބު ފަސް ކުރަން ޖެހުމުން އަންނަ އޭޕްރީލް މަހު އިންތިހާބު ބާއްވަން އިލެކްޝަންސް ކޮމިޝަނުން ވަނީ ނިންމައިފަ އެވެ. އަދި ކުރީގެ ކެންޑިޑެސީތައް ބާތިލްކޮށް، ކުރިން ކެންޑިޑެސީ ގަބޫލުކުރި ފަރާތްތަކުން އަލުން ހުށަހަޅަންޖެހޭ ގޮތަށް ވެސް ކޮމިޝަނުން ވަނީ ނިންމައިފަ އެވެ.

އެމްޑީޕީގެ ފަރާތުން ހައިކޯޓަށް ހުށަހެޅި މައްސަލާގައި ބުނެފަިއވަނީ، އިންތިޚާބުގައި ވާދަކުރުމަށް ހުށަހެޅި ކެންޑިޑޭޓުންގެ ކެންޑިޑެސީ ބާޠިލުކުރައްވާފައިވަނީ އިންތިޚާބުތަކާ ބެހޭ ޢާންމު ޤާނޫނުގެ 21 ވަނަ މާއްދާގެ (ނ) ހިލާފަށް ކަމަށެވެ. އަދި ސިވިލް ކޯޓުގެ ހުކުމާއިވެސް ހިލާފަށް ކަމަށެވެ.

އެހެންކަމުން އެމްޑީޕީން ހައިކޯޓުގައި އެދިފައިވަނީ، އިލްކެޝަންސް ކޮމިޝަންއިން ކެންޑިޑެސީ ޤަބޫލުކޮށްފައިވާ ކެންޑިޑޭޓުން އަލުން ކުރިމަތިލާންޖެހޭނޭ ކަމަށް ކޮމިޝަނުން ނިންމާފައިވާ ނިންމުން ބާޠިލުކަމުގައި ކަނޑައަޅުއްވައި ދެއްވުއްވުމަށެވެ.

އޭގެއިތުރުން ކެނޑިޑޭޓުންގެ ކެނޑިޑެސީ ބާތިލްކުރުމަށް އިލެކްޝަންސް ކޮމިޝަނުން ނިންމާފައިވާ ނިންމުން، ކޯޓުން ހުކުމްކުރަންދެން މަޑުޖައްސާލުމަށް އިލެކްޝަންސް ކޮމިޝަންގެ މައްޗަށް އަންގައިދިނުމަށްވެސް އެމްޑީޕީގެ ފަރާތުން ހައިކޯޓުގައި އެދިފަވެއެވެ.

ހައި ކޯޓް

މި މަހުގެ 14 ގައި ބާއްވަން ނިންމި ކައުންސިލް އިންތިހާބު ފަސްކުރަން ކޯޓުން އަމުރުކުރީ އިންތިހާބަށް ތައްޔާރު ނުވެވޭ ކަމަށް ބުނެ ޕީޕީއެމުން މައްސަލަ ހުށަހެޅުމުންނެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް