ފްރާންސުން ކޮވިޑުގެ ރެކޯޑެއް- 24 ގަޑިއިރު ތެރޭ 10،000ށް ވުރެ ގިނަ ކޭސް!
13 ސެޕްޓެމްބަރު 2020 | އާދީއްތަ 00:14ފާއިތުވި 24 ގަޑިއިރު ތެރޭގައި 10،500ށް ވުރެ ގިނަ މީހުން ޕޮޒިޓިވްވި
ފްރާންސްގައި ކޮވިޑް-19 ޖެހިގެން ޙާލު ދެރަވާ މީހުންގެ ނިސްބަތް ކުރިއާ އަޅާބަލާއިރު މިހާރު ދަށް ކަމަށް ރިޕޯޓްތައް ބުނޭ | ރޮއިޓަރސް
ފްރާންސުން ދުވާލެއްގެ މައްޗަށް ފެނުނު ކޮވިޑް ކޭސްތަކުގެ އަދަދު ރެކޯޑު އަދަދަކަށް އިތުރު ވެއްޖެއެވެ.
އަލްޖަޒީރާގައި ރިޕޯޓް ކޮށްފައިވާ ގޮތުން ފްރާންސުން ފާއިތުވި 24 ގަޑިއިރު ތެރޭގައި 10،500ށް ވުރެ ގިނަ މީހުންނަށް ވައިރަސް ޖެހިފައިވެއެވެ. އަދި މިއީ މިހާތަނަށް ފްރާންސުން ދުވާލެއްގެ މައްޗަށް ބަލި ޖެހުނު މީހުންގެ އަދަދު 10،000ށް ވުރެ މަތިވި ފުރަތަމަ ފަހަރު ކަމަށް ރިޕޯޓުތައް ބުނެއެވެ. އަދި ފާއިތުވި 24 ގަޑިއިރު އިތުރު 17 މީހަކު ބަލި ޖެހިގެން މަރުވެފައިވެއެވެ.
މީގެ ކުރިން ފްރާންސުން އެންމެ ގިނައިން ވައިރަސް ޖެހިގެން ރިޕޯޓް ކޮށްފައިވަނީ މިދިޔަ ބުރާސްފަތި ދުވަހުއެވެ. އެގޮތުން ބުރާސްފަތި ދުވަހު އެ ޤައުމުން 9800ށް ވުރެ ގިނަ މީހުންނަށް ވައިރަސް ޖެހިގެން ރިޕޯޓް ކޮށްފައިވެއެވެ. އެއާއެކު ފްރާންސުން މިހާތަނަށް ވައިރަސް ޖެހުނު މީހުންގެ ޖުމުލަ އަދަދު ވަނީ 30،900ށް ވުރެ އިތުރުވެފައެވެ.
މިވަގުތު ފްރާންސުން ފެންނަމުންދާ ކޭސްތައް އިތުރުވަމުން ދިއުމާއެކު، އެ ޤައުމުގެ ސިއްހީ އޮފިޝަލުން ދަނީ ވައިރަސްއިން ރައްކާތެރި ވުމުގެ ފިޔަވަޅުތައް ވަރުގަދަ ކުރަމުންނެވެ. އެގޮތުން ކޭސްތައް އިތުރުވަމުން ދިޔަ ނަމަވެސް، މަރުވާ މީހުންގެ ނިސްބަތާއި، ޙާލު ސީރިއަސްވާ މީހުންގެ ނިސްބަތް ކުރިއާ އަޅާބަލާއިރު ދަށް ކަމަށް ރިޕޯޓްތައް ބުނެއެވެ.
