ރައީސް ޔާމީން ރ އަދި ބ އަތޮޅަށް ކުރައްވާ ދަތުރުފުޅު ފަސްކުރައްވައިފި
16 އެޕްރީލު 2017 | އާދީއްތަ 11:41އެމަނިކުފާނުގެ މި ދަތުރުފުޅު ފުޅު ފަސްކުރެއްވި ވަކި ސަބަބެއް ނޭނގެ
ރައީސް އަބްދުﷲ ޔާމީން: އެ މަނިކުފާނު ރ. އަތޮޅާއި ބ. އަތޮޅަށް ކުރައްވަން ނިންމާފައި އޮތް ދަތުރުފުޅު ފަސްކުރި ސަބަބެއް ރައީސް އޮފީހުން ހާމައެއް ނުކުރައްވާ
ރައީސް އަބުދުﷲ ޔާމީން ރ އަދި ބ އަތޮޅަށް ވަޑައިގަންނަވަން ހަމަޖެހިފައިވާކަމުގެ މައުލޫމާތު ލިބިއްޖެއެވެ.
ރާއްޖެއެމެވީއަށް އެނގިފައިވާ ގޮތުގައި، ރައީސް ޔާމީން ރ އަދި ބ.އަތޮޅަށް ދަތުރުފުޅެއް ފެއްޓެވުމަށް ކުރިން ހަމަޖެހިފައި އޮތީ މި މަހުގެ 18 ވާ އަންގާރަ ދުވަހުކަމަށެވެ. އެހެންނަމަވެސް އެމަނިކުފާނުގެ މި ދަތުރުފުޅު ފުޅު ފަސްކުރެއްވި ވަކި ސަބަބެއް ނޭނގެއެވެ.
ރައީސް ޔާމީންގެ މިދަތުރު ފުޅުގައި ފުރަތަމަ ހަމަޖެހިފައި އޮތީ، އަންނަ ބުރާސްފަތި ދުވަހު ރ. އަތޮޅަށް ވަޑައިގަަންނަވާ ގޮތަށެވެ. އަދި އެއަށްފަހު ބ އަތޮޅަށެވެ. ރާއްޖެއެމްވީއަށް އެނގިފައިވާ ގޮތުގައި، އެމަނިކުފާނުގެ މިދަތުރުފުޅު މިހާރު ވަނީ މިމަހުގެ 26 ވަނަ ދުވަހަށް ފަސްކޮަށްފައެވެ.
ރައީސް ޔާމީނަށް މަރުހަބާ ދެންނެވުމުގެ ތައްޔާރީތައް ރ. އާއި ބ. އަތޮޅުގައި ވެސް ކުރިއަށް ދާއިރު، މި ދަތުރުފުޅާ ގުޅޭ ގޮތުން މައުލޫމާތު ހޯދާލުމަށް ރައީސްގެ ތަރުޖަމާނު އިބުރާހިމް މުއާޒް އަލީއާއި ގުޅާލުމުން ވިދާޅުވީ، ރައީސްގެ ދަތުރުފުޅު ތަކާއި ގުޅޭގޮތުން މީޑިއާއަށް ހިއްސާ ކުރަން ޖެހޭ މައުލޫމާތު ވަގުތު ޖެހުމުން ހާމަކުރާނޭކަމަށެވެ.
ރައީސް ޔާމީނުގެ މި ދަތުރުފުޅުގައި އެ ދެއަތޮޅުގެ ބައެއް މަޝްރޫއުތައް ފައްޓަވައި، އަދި ބައެއް މަޝްރޫއުތަކުގެ ނިމުން ފާހަގަކުރުމަށް ހަމަޖެހުފައިވާކަމަށް ވަނީ މައުލޫމާތުލިބިފައެވެ.
ރައީސް ޔާމީންގެ ރ އަދި ބ. އަތޮޅުގެ ދަތުރުފުޅު ފަސްކުރެވިފައިވާ ވާހަކަ އެ ދެ އަތޮޅުގެ ބައެއް ކައުންސިލްތަކަށް މިހާރު ވަނީ އަންގާފައެވެ.
