\'ގޭމް އޮފް ތްރޯންސް\'ގެ ތަރިން ކިޓް ހެރިންގޓަންއާއި ރޯޒް ލެސްލީ ކައިވެނިކޮށްފި!

އެމެރިކާގެ މަޝްހޫރު ސީރީޒްއެއް ކަމަށްވާ 'ގޭމް އޮފް ތްރޯންސް'ގެ ތަރިންކަމަށްވާ ކިޓް ހެރިންގޓަންއާއި ރޯޒް ލެސްލީ ކައިވެނި ކޮށްފިއެވެ.

ޖޯން ސްނޯގެ ރޯލުން ފެންނަ ހެރިންގޓަންއާއި އޭނާގެ ލޯބިވެރިޠާ ޔިގްރިޓްގެ ރޯލުން ފެންނަ ލެސްލީ ކައިވެނިކޮށްފައިވަނީ ހޮނިހިރު ދުވަހުއެވެ.

ގޭމް އޮފް ތްރޯންސްގެ އަށްވަނަ އަދި ފަހު ސީޒަންގެ ޝޫޓިންގ މިހާރު ކުރިއަށްދާ އިރު، ހެރިންގޓަންއާއި ލެސްލީ ދިމާވެފައިވަނީ ޝޯވގެ ތެރެއިންނެވެ. އަދި ރަށްޓެހި ވެގެން އުޅޭތާ ހަތަރު އަހަރުވަނީ ވެފައެވެ.

ލެސްލީއަކީ ކިންގް ޗާލްސް 2ގެ އާއިލާގެ ކުއްޖެކެވެ. އެހެންކަމުން ރިޕޯޓްތަކުން ބުނާ ގޮތުގައި ދެ މީހުން ކައިވެނިކޮށްފައިވަނީ ސްކޮޓްލޭންޑްގައި ހުންނަ ޥޯޑްހިލް ކާސަލްގައެވެ. ވޯޑްހިލް ކާސިލްގެ ވެރިފަރާތަކީ ލެސްލީގެ އާއިލާއެވެ. އަދި އެއާއިލާގެ އަތުގައި އެ ކާސަލް އޮންނަތާ 900 އެއްހާ އަހަރުވަނީ ވެފައެވެ.

ކައިވެނީގެ ހަފްލާއަށް ފަހު ރިޕޯޓަރުންނާ ވާހަކަ ދައްކަމުން ލެސްލީގެ ބައްޕަ ސަބާސްޝަން ބުނީ 'މިއީ ވަރަށް އުފާވެރި ދުވަހެއް'ކަމަށެވެެ.

ހެރިންގޓަން އަދި ލެސްލީގެ އާއިލާ މީހުންނާއި އެކުވެރިން ކައިވެނީގެ ހަފްލާގައި ބައިވެރިިވިއެވެ. އޭގެ ތެރޭގައި ގޭމް އޮފް ތްރޯންސް ކާސްޓުންނާއި ކްރޫ މީހުން ހިމެނެއެވެ.

ކިޓް ހެރިންގޓަންއާއި ރޯޒް ލެސްލީ ކައިވެނި ކޮށްފައިވަނީ ހޮނިހިރި ދުވަހު، ފޮޓޯ: ގެޓީ އިމޭޖެސް

ކިޓް ހެރިންގޓަންއާއި ރޯޒް ލެސްލީ ކައިވެނިކޮށްފައި ވަނީ ހޮނިހިރި ދުވަހު، ފޮޓޯ: ގެޓީ އިމޭޖެސް

ކިޓް ހެރިންގޓަންއާއި ރޯޒް ލެސްލީ ކައިވެނިކޮށްފައިވަނީ ހޮނިހިރި ދުވަހު، ފޮޓޯ: ގެޓީ އިމޭޖެސް