ބާރްތީ ކައިވެނިކޮށްފި
ކައިވެނިކޮށްފައިވަނީ ހާރްޝް ލިމްބާޗިޔާ
ބާރްތީ ކައިވެނިކޮށްފި
އިންޑިއާގެ މަޝްހޫރު ކޮމީޑިއަން އަދި އެކްޓްރަސް ބާރްތީ ސިންގް ޑިސެމްބަރު މަހުގެ ތިން ވަނަ ދުވަހު ކައިވެނި ކޮށްފިއެވެ.
އޭނާ ކައިވެނި ކޮށްފައިވަނީ މީގެ 07 މަސް ދުވަސް ކުރިން އެންގޭޖްވި ހާރްޝް ލިމްބާޗިޔާ އެވެ.
ކައިވެނީގޭ ހަފްލާ ބާއްވާފައިވަނީ ގޯއާގައެވެ. މި ހަފްލާގައި އާއިލާ މެމްބަރުންނާއި ގާތްތިމާގެ މީހުންގެ އިތުރުން ވަނީ އެ ދެ މީހުންގެ ރައްޓެހިން ވެސް ބައިވެރިވެފައެވެ.
މީގެ އިތުރުން ބައެއް އެކްޓަރުން ކަމަށްވާ ސަނާޔާ އިރާނީ، އަނީތާ ހަސަން، މޯހިތް ސޭގަލް ވަނީ މި ހަފްލާގައި ބައިވެރިވެފައެވެ.
އެ ދެމީހުން ވަނީ ކުރިން ވެސް ކައިވެނި ކުރާނެ ތާރީހެއް ކަނޑައަޅާފައެވެ. އެހެން ނަމަވެސް ކައިވެނި ކުރިން ލަސް ކޮށްފައި ވަނީ ހާރްޝް އޭނާގެ އަމިއްލަ ފިލްމް އުފައްދާ ކުންފެންޏެއް އުފެއްދުމުގެ މަސައްކަތުގައި އަވަދިނެތި އުޅުމުގެ ސަބަބުންނެވެ.
ބާރްތީ އާއި ހާރްޝް ވަނީ ސްޓާޕްލަސް އިން ދެއްކި ރިއަލިޓީ ޑާންސް ޝޯއެއް ކަމަށްވާ "ނަޗްބަލިއޭ" ސީޒަން 9 ގައި މިއަހަރު އެކީގައި ހަރަކާތްތެރިވެފައެވެ.
