ހުކުރު 24 މެއި 2019
05 ރޯނު
1440 ރަމަޟާން 19
ފަތިސް 04:35
އިރުއަރާ 05:51
މެންދުރު 12:07
އަސްރު 15:28
މަޣްރިބް 18:15
އިޝާ 19:31
ލުއި ޚަބަރު - ހޮލީވުޑް

އެޑް ޝީރަން ކައިވެނިކޮށްފި

  • މިދެމީހުން ކައިވެނި ކޮށްފައިވަނީ މިދިޔަ އަހަރުގެ ޑިސެމްބަރު ގައި

އަޒްލިފާ އަބްދުﷲ
AzuAzlifa

ކ. މާލެ 28 ފެބުރުއަރީ 2019 | ބުރާސްފަތި 20:59 3,478

އެޑް ޝީރަން އާއި ޗެރީ ސީބޯން - އޭއެފްޕީ

ބްރިޓިޝް ސިންގަރ އަދި ސޯންގް ރައިޓަރ އެޑް ޝީރަން އޭނާގެ ލޯބިވެރިޔާ ޗެރީ ސީބޯން އާއި ކައިވެނި ކޮށްފިއެވެ.

ދަ ސަން އިން ބުރާސްފަތި ދުވަހު ރިޕޯޓްކޮށްފައިވާ ގޮތުގައި އޭނާ ކައިވެނި ކޮށްފައިވަނީ މިދިޔަ ޑިސެމްބަރު މަހުއެވެ.

ދުނިޔޭގެ މަޝްހޫރު ލަވަކިޔުންތެރިންގެ ތެރޭގައި ހިމެނޭ އުމުރުން 28 އަހަރުގެ ޝީރަން އާއި ޗެރީ 2015 ވަނަ އަހަރުން ފެށިގެން ދަނީ ޑޭޓް ކުރަމުންނެވެ. ޗެރީ އަކީ ކުޑައިރުން ފެށިގެންވެސް ޝީރަން ދަންނަ މީހެކެވެ.

ސަފޯކްގައި ހުންނަ ޝީރަން ގެ ގޭގައި ބޭއްވި ކައިވެނީގެ ހަފްލާގައި ބައިވެރިވެފައި ވަނީ އޭނާގެ އާއިލާ އާއި ގާތް ރަހުމަތްތެރިން ހިމެނޭ ގޮތަށް ގާތްގަނޑަކަށް 40 އަކަށް މީހުންނެވެ.

ނަމަވެސް "ފެސްޓިވަލް – ސްޓައިލް ޕާޓީ" ސަމާރ ގައި ބޭއްވުމަށް މިދެމީހުން ރާވަމުންދާ ކަމަށް ގާތްމީހަކާ ހަވާލާދީ ރިޕޯޓް ކޮށްފައި ވެއެވެ.

ޝީރަން އިންސްޓަގްރާމްގައި އޭނާގެ އެންގޭޖްމަންޓް އިއުލާން ކޮށްފައިވަނީ މިދިޔަ އަހަރުގެ ޖެނުއަރީ މަހުއެވެ.

ޝީރަން މަދުމަދުން ނަމަވެސް އޭނާގެ ލޯބިވެރިޔާ ޗެރީ އާއިއެކު ނަގާފައިވާ ފޮޓޯ އިންސްޓަގްރާމްގައި ވަނީ ހިއްސާ ކޮށްފައެވެ.

އެންމެ ފަހުން އަޕްޑޭޓް ކުރީ: 3 ދުވަަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް