ހުޅުމާލޭގައި އެކްސިޑެންޓެއް ހިނގައި ދެ މީހަކަށް އަނިޔާވެއްޖެ
24 އޯގަސްޓު 2020 | ހޯމަ 12:26އެކްސިޑެންޓް ހިނގައިފައި ވަނީ ހޯމަދުވަހުގެ މެންދުރު 13:07 ގައި
އަލީ ސަމާޚް | 24 އޯގަސްޓު 2020 | ހޯމަ 12:26
ހުޅުމާލޭގައި ހިނގި އެކްސިޑެންޓް
ހުޅުމާލޭގައި އެކްސިޑެންޓެއް ހިނގައި ދެ މީހަކަށް އަނިޔާވެއްޖެއެވެ.
ފުލުހުން ބުނީ ހުޅުމާލޭ ރީތިގަސްމަގާއި އަސުރުމާ ހިނގުން ގުޅޭ ހަތަރު އަނގޮޅި ކަންމަތީގައި ހޯމަ ދުވަހުގެ މެންދުރު 13:07 ގައި ސައިކަލަކާ ޕިކަޕެއް ޖެހި އެކްސިޑެންޓެއް ހިނގައިފައިވާ ކަމުގެ ރިޕޯޓު ލިބިފައިވާ ކަމަށެވެ.
މި އެކްސިޑެންޓުގައި ސައިކަލުގައި ތިބި ދެ އަންހެނަކަށް އަނިޔާ ލިބިގެން ހުޅުމާލޭ ހޮސްޕިޓަލަށް ގެންގޮސްފައިވާ ކަމަށް ފުލުހުން ބުންޏެވެ.
ސައިކަލު އަދި ޕިކަޕް ދުއްވި މީހާގެ އަތުގައި ވެސް އެއްގަމު އުޅަނދު ދުއްވުމުގެ ލައިސަންސް އޮތް ކަމަށް ވެސް ފުލުހުން ބުންޏެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
