ބޭންކުތަކުން ހިއްސާގެ ފައިދާ ބެހުމުގެ ކުރިން ހުއްދަ ހޯދަން އެމްއެމްއޭ އިން އެދިއްޖެ
24 އޯގަސްޓު 2020 | ހޯމަ 02:52ބެންކުތަކުގެ ހިއްސާގެ ފައިދާ ބެހުމުގެ ކުރިން އެމްއެމްއޭ އެ މައުލޫމާތު ހިއްސާ ކުރަން އެންގުމުގެ ބާރު އެ އޮތޯރިޓީއަށް ލިބިގެންވޭ
މޯލްޑިވްސް މަނިޓަރީ އޮތޯރިޓީ (އެމްއެމްއޭ)
ގެ ބޭންކުތަކުން ހިއްސާގެ ފައިދާ ބެހުމުގެ ކުރިން ހުއްދަ ހޯދަން މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އެދިއްޖެއެވެ.
އެ އޮތޯރިޓީން ބެންކުތަކަށް އެކަން އަންގާ އާންމުކުރި އިއުލާނެއްގައި ބުނީ އެއީ މިފަދަ ހާލަތުގައި އާންމުކޮށް ކަން ކުރާ އުސޫލު ކަމަށެވެ.
ބެންކުތަކުގެ ހިއްސާގެ ފައިދާ ބެހުމުގެ ކުރިން އެމްއެމްއޭ އެ މައުލޫމާތު ހިއްސާ ކުރަން އެންގުމުގެ ބާރު އެ އޮތޯރިޓީއަށް ލިބިގެންވެއެވެ.
ރާއްޖޭގައި އޮޕަރޭޓް ކުރާ އެއްވެސް ބޭންކަކުން މިއަހަރު ހިއްސާދާރުންނަށް އެއްވެސް ފައިދާއެއް ނުބެހުމަށް އެމްއެމްއޭ އިން ބޭންކުތަކަށް އެންގިކަމަށް ބައެއް މީޑިއާތަކުން ރިޕޯޓުކޮށްފައިވެއެވެ. އެކަމާއި ގުޅިގެން އެމްއެމްއޭ އިން ބުނީ ގަވަރުނަރު އަލީ ހާޝިމް ސޮއި ކުރައްވާ މިދިޔަ މަހުގެ ކުރީކޮޅު ބޭންކުތަކަށް ސިޓީއެއް ފޮނުއްވި ކަމަށެވެ. މިދަނޑިވަޅުގައި ބޭންކުތަކުގެ މާލީ ހާލަތު ރަނގަޅުކޮށް ލުއިދިނުމުގެ ގޮތުން އެމްއެމްއޭގައި ބަހައްޓަން ޖެހޭ މިނިމަމް ރިޒާވް ރިކުއާމަންޓް ވެސް ދަށްކޮށް ދީފައިވާއިރު، ޑިވިޑެންޑް ބަހާ ނަމަ، އެއީ ބޭންކުތަކުގެ މާލީ ހާލަތު ނުވަތަ ލިކުއިޑިޓީއަށް އަސަރު ކުރާނެ ކަމެއް ކަމަށް އެ ސިޓީގައިވާ ކަމަށް އެމްއެމްްއޭއިން ބުނެއެވެ. އެހެންނަމަވެސް އެއީ މީގެ ކުރިން ފޮނުވި ސިޓީއެއް ކަމަށާއި މިހާރު ކޮވިޑް-19 ގެ މި ހާލަތު ބަދަލުވެފައިވާ ކަމަށް އެ އޮތޯރިޓީން ބުނެއެވެ.
އާންމުންނަށް ހިއްސާ ވިއްކާ އޭގެ ފައިދާ ބަހަމުންދަނީ ގައުމީ ބެންކް، ބެންކު އޮފް މޯލްޑިވްސް އާއި އިސްލާމިކް ބެންކުންނެވެ.
