މިއީ ލޮކްޑައުން އަށް ދާންވީ ވަގުތު: ޑރ. ޝީނާ

މާލެ ސަރަހައްދުން ކޮވިޑް-19 ގެ ކޭސްތައް ފެންނަ އަދަދު އިތުވަމުންދާތީ މީއި އަލުން ލޮކްޑައުން އަށް ދާންޖެހޭ ވަގުތުކަމަށް އެޗްޕީއޭގެ ކޮންސަލްޓެންޓް ޑރ. ޝީނާ މޫސާ ވިދާޅުވެއްޖެ އެވެ.

ޑރ. ޝިީނާ އެހެން ވިދާޅުވީ، ރާއްޖެ ޓީވީގެ ''ހަބަރު ފިތާ'' ޕްރޮގްރާމްގައި ވާހަކަ ދައްކަަވަމުންނެވެ.

ފަބްލިކް ހެލްތް އެކްސްޕާޓް ޑރ. ޝީނާ ވިދާޅުވީ، މާލެއިން ކުރިން ކޭސްތައް ފެނުނު އަދަދާ އަޅާބަލާއިރު ކޭސްތައް ފެތުރިގެންދަނީ އުއްމީދު ކުރި ވަރަށްވުރެ ބާރަށް ކަމަށެވެ. މިހާރު ރިޕޯޓް ކުރެވެމުންދާ ކޭސްތަކާއިއެކު ބަލި ކޮންޓްރޯލް ކުރެވިދާނެކަމާއި މެދު އޭނާ ސުވާލު އުފެއްދެވިއެވެ. އެއަށްފަހު އޭނާ ވިދާޅުވީ، ބައްދަލުވާ މީހުންގެ އަދަދަށް ބަދަލުތަކެއް ގެންނަން ޖެހޭނެގޮތެއް ހޯދެންޖެހޭ ކަމަށެވެ.

ނަމަވެސް ލޮކްޑައުން އަކަށް ދާން ރާއްޖޭ އިގްތިސާދީ އަދި އިޖްތިމާއި ހާލަތަށް ބަލާނަމަ އެކަން ކުރެވޭނެ ކަމާއިމެދު ޑރ. ޝީނާ ސުވާލު އުފެއްދެވިއެވެ. ޑރ. ވިދާޅުވީ، އެންމެ ބޮޑަށް ބަލަން ޖެހޭ ކަމަކީ ބަލީގައި މަރުވާ މީހުން ކޮންޓްރޯލް ކުރެވޭނެ ގޮތްތައް ކަމަށެވެ. އެހެން ގައުމުތަކުގައި މަރުވާ މީހުންގެ އަދަދު ގިނަވެގެން ދިޔައީ ސިއްހީ ނިޒާމަަށް ނުކުތާ ވަރަށް ކޭސްތައް ގިނެވެގެން ދިޔުމުންކަން އޭނާ ފާހަގަކުރެއްވިއެވެ.

އެހެން ގައުމުތަކުން މީހުން މަރުވާ އަދަަދާއި އަޅާ ބަލާއިރު ރާއްޖޭގައި މަރުވާ މީހުންގެ އަދަދާދައި ބެހޭ ގޮތުން ސުވާލު އުފައްދަވަމުން ޑރ. ޝީނާ ވިދާޅުވީ، އެހެން ގައުމުތަކުގައި މީހުން މަރުވަމުން ދިޔައީ އެގައުމުތަކުގެ ސިއްްހީ ނިޒާމަށް ނުތަކާ ވަރަށް ކޭސްތަކުގެ އަދަދު އިތުރުވެގެން ދިޔުމުން ކަމަށެވެ.

އެޗްޕީއޭ އެންމެ ރަނގަޅަށް މަސައްކަތް ކުރެވޭތޯ ސުވާލު ކުރުމުން ޑރ. ޝީނާ ވިދާޅުވީ، އެންއީއޯސީ ލެވެލްގައި ވަރަށް ގިނަ އިދާރަތަކާއި ގުޅިގެން ގިނަ ވޮލެންޓިއަރުންނާ އެކު މަސައްކަތް ކުރިޔަށް ގެންދިޔައިރު އޮޕަރޭޝަން ކެޕޭސިޓީ ބޮޑު ކަމަށެވެ. އެކަމަކު އެޗްއީއޯސީ އަށް ބަދަލު ކުރުމާއި އެކު އޮަޕަރޭޝަން ސިޓީ ގެއްލިގެން ގޮސްފައިވާ ކަމަށެވެ.

ޑރ. ޝީނާ ވިދާޅުވީ، މި ރޭޓްގައި ބަލި ފެތުރެމުންދާނަމަ ދުވާލެއްގެ މައްޗަށް 600 މީހަކު ޕޮޒިޓިވްވުން އެކަށީގެންވާ ކަމަށެވެ.