ކ. މާލެ
|
3 ފެބްރުއަރީ 2017 | ހުކުރު 08:34
ލަންކާގައި ދިރިއުޅޭ ދިވެހިރައްޔިތުންނާއި މުހާތަބުކުރައްވާ ރައީސް ނަޝީދު ވާހަކަފުޅުދައްކަވަނީ
ލަންކާގައި ދިރިއުޅޭ ދިވެހިރައްޔިތުންނާއި މުހާތަބުކުރައްވާ ރައީސް ނަޝީދު ވާހަކަފުޅުދައްކަވަނީ
އަޒުމޫން އަހުމަދު
ޖަލަށް ދާންޖެހުނު ނަމަވެސް ވަގުތު ޖެހުމުން ރާއްޖެ ދާނަން: ރައީސް ނަޝީދު
 
ރައްޔިތުންގެ ދިރިއުޅުމުގެ ހަރަދުތައް އިންތިހާއަށް ބޮޑުކޮށްފައިވާއިރު، ރައްޔިތުންނާއިއެކުގައި ނުހުރެވުމަކީ ލިބޭ ހިތާމައެއް

ޖަލަށްދާންޖެހުނު ނަމަވެސް، ވަގުތުޖެހުމުން ރާއްޖެ  ވަޑައިގަންނަވާނެކަމަށް ކުރީގެ ރައީސުލްޖުމްހޫރިއްޔާ މުހައްމަދު ނަޝީދު ވިދާޅުވެއްޖެ އެވެ.

 

އެމަނިކުފާނު މިފަދައިން ވިދާޅުވީ، ސްރީ ލަންކާއަށް ކުރައްވަމުންގެންދަވާ ދަތުރުފުޅުގައި އެ ޤައުމުގައި ދިރިއުޅޭ ދިވެހި ރައްޔިތުންނާއި ބައްދަލުކުރައްވާ ވާހަކަފުޅުދައްކަވަމުންނެވެ.

 

މި ބައްދަލުކުރެއްވުމުގައި ރައީސް ނަޝީދު ވިދާޅުވީ އެމަނިކުފާނު، އިނގިރޭސިވިލާތަށް ވަޑައިގެންނެވީވެސް ޖަލުގައި އޮންނެވުމަށްފަހުގައި ކަމަށެވެ. އެނބުރި ރާއްޖެ ވަޑައިގެންނެވުމުން ޖަލަށް ދާންޖެހޭނެ ކަމަށް ރައީސް ނަޝީދު ވިދާޅުވި އެވެ. އެމަނިކުފާނު ވިދާޅުވީ ޖަލަށްދާންޖެހުނު ނަމަވެސް އެމަނިކުފާނު އެނބުރި ރާއްޖެ ވަޑައިގަންނަވާނެކަމަށެވެ. 

 

ރައީސް ނަޝީދު ވިދާޅުވިގޮތުގައި ސަރުކާރުން އަންނަނީ ރައްޔިތުންގެ ހައްޤުތައް ނިގުޅައިގަންނަމުން ކަމަށެވެ. ދިރިއުޅުމުގެ ހައްޤުތައް އިންތިހާއަށް ބޮޑުކޮށް، އިޖުތިމާއި ރައްކާތެރިކަމުގެ ނިޒާމް ނިގުޅައިގަނެފައިވާކަމަށް ރައީސް ނަޝީދު ވިދާޅުވި އެވެ. އެމަނިކުފާނު ވިދާޅުވީ ޤައުމު އެފަދަ ހާލަތަކަށް ވެއްޓޭއިރު، ދިވެހި ރައްޔިތުންނާއެކުގައި ނުހުންނެވުމަކީ އެމަނިކުފާނަށް ލިބިގެންދާ ވަރަށް ބޮޑު ހިތާމައެއް ކަމަށެވެ.

 

އިތުރަށް ވާހަކަދައްކަވަމުން ރައީސް މުހައްމަދު ނަޝީދު ވިދާޅުވީ ކައުންސިލް އިންތިހާބު ބޭއްވުމަށް ރައީސް އަބްދުﷲ ޔާމީން ފަސްޖެހިވަޑައިގަންނަވަނީ ރައްޔިތުން ވޯޓުލައްވާނެގޮތް އެމަނިކުފާނަށްވެސް އެނގިވަޑައިގަންނަވާތީ ކަމަށެވެ. ރައީސް ނަޝީދު ވިދާޅުވީ މިވަގުތު ދިވެހިރާއްޖެއަށް ކުރިމަތިވެފައިވާ އެންމެ ބޮޑު ފުރުސަތަކީ ކުރިއަށް އޮތް ކައުންސިލް އިންތިހާބު ކަމަށެވެ. އެހެންކަމުން އެ އިންތިހާބުގައި ހުރިހާ ރައްޔިތުން ނިކުމެ ވޯޓުލުމަކީ ވަރަށް މުހިންމު ކަމެއް ކަމަށް ރައީސް ނަޝީދު ވިދާޅުވި އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް
ގުޅުންހުރި