ކޮވިޑް-19: ތިމަރަފުށިން 1 ކޭސް، ހިންނަވަރުން ދެ ކޭސް
20 އޯގަސްޓު 2020 | ބުރާސްފަތި 07:00ފަރުވާހޯދައިގެން 3788 މީހަކު ވަނީ ބަލިން ފަސޭހަވެފަ
ކޮވިޑް-19ގެ ސާމްޕަލް ނެގުމަށް އާރުއާރުޓީ އިން ހަރަކާތްތެރިވަނީ
ރާއްޖޭގެ އިތުރު ދެ ރަށަކުން ކޮވިޑް-19 ގެ ކޭސް ފެނިއްޖެއެވެ.
ހެލްތު އިމަރޖެންސީ އޮޕަރޭޝަން ސެންޓަރ (އެޗްއީއޯސީ)ން ބުނީ ބުރާސްފަތި ދުވަހު ކޮވިޑްގެ ތިން ކޭސްއެއް ދެ ރަށަކުން ފެނިފައިވާ ކަމަށެވެ. އެއީ ޅ. ހިންނަވަރުން ދެ ކޭސް، އަދި، ތ. ތިމަރަފުށިން އެއް ކޭސްއެވެ.
އެޗްއީއޯސީން ބުނީ ހިންނަވަރުން ޕޮޒިޓިވް ވެފައިވަނީ އުމުރުން 78 އަހަރުގެ ދިވެހި އަންހެނަކާއި 10 އަހަރުގެ ކުޑަ އަންހެން ކުއްޖެއް ކަމަށެވެ. ތިމަރަފުށިން ޕޮޒިޓިވް ވެފައިވަނީ އުމުރުން 38 އަހަރުގެ ބަންގްލަދޭޝް އަށް ނިސްބަތްވާ ފިރިހެނެކެވެ.
މިހާތަނަށް ރާއްޖެއިން 6000ށް ވުރެ ގިނަ ކޭސް ރިޕޯޓު ކޮށްފައިވެއެވެ. އަދި 24 މީހުން މި ވައިރަސްގައި މަރުވެފައިވާއިރު، ފަރުވާ ހޯދައިގެން 3788 މީހަކު ވަނީ ފަސޭހަވެފައެވެ.
