އިންސާނީ ހައްޤުތަކަށް މަސައްކަތްކުރާ މީހުންގެ ފޯރަމެއްގައި މަހުލޫފުގެ ވާހަކަ ކޭސް ސްޓަޑީއަކަށް
26 ޖޫން 2018 | އަންގާރަ 13:46މަހުލޫފަށް ބަންދުގައި ހުންނަވަނިކޮށް ގިނަ އެވޯޑްތަކެއް ވެސް ވަނީ ލިބިފައި
މަހުލޫފުގެ މައްސަލައިގައި އެޗްއާރްސީގެ 38 ވަނަ ބައްދަލުވުމުގެ ހަވާސާގައި މަޝްވަރާކުރަނީ
އިންސާނީ ހައްޤުތަކުގެ ދިފާޢުގައި މަސައްކަތްކުރާ ފަރާތްތަކާ ގުޅޭ ގޮތުން ޖެނީވާގައި ބޭއްވި ޚާއްސަ ބައްދަލުވުމެއްގައި ކޭސް ސްޓަޑީއެއްގެ ގޮތުގައި ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފުގެ މައްސަލަ ނަގައިފިއެވެ.
އދ. ގެ އިންސާނީ ހައްޤުތަކާ ބެހޭ ކައުންސިލްގެ 38 ވަނަ ބައްދަލުވުމުގެ ހަވާސާގައި ކުރިއަށް ދިޔަ މި އިވެންޓްގައި މަހުލޫފު ބަންދުގައި ހުންނަވާ ހުންނެވުމާ ބެހޭ ގޮތުންނާއި، އޭނާގެ މައްޗަށް ކުރެވިފައިވާ ދައުވާތަކާއި، އަދި އިންސާނީ ހައްޤުތަކުގެ ދިފާޢުގައި މަހުލޫފު ކުރައްވާ މަސައްކަތްތަކުގެ މައްޗަށް ވާހަކަ ދައްކާފައިވެއެވެ.
މީގެ އިތުރުން މަހުލޫފުގެ މައްސަލަ ހިނގަމުންދާ ގޮތް ބަލައި، ދިރާސާކުރުމަށް އެއިވެންޓްގައި 'ފްރެންޑްސް އޮފް މަހުލޫފު'ގެ ނަމުގައި ގްރޫޕެއް ވެސް ވަނީ ތަޢާރަފްކޮށްފައެވެ.
ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފަކީ އެމްނެސްޓީ އިންޓަރނޭޝަނަލް އިން 'ޟަމީރުގެ ޤައިދީއެއް' ކަމަށް ކަނޑައަޅާފައިވާ ފަރާތެކެވެ. އަދި އޭނާ ކުރައްވާ މަސައްކަތްތައް ފާހަގަކޮށް ޕާލަމަންޓޭރިއަންސް ފޮރ ގްލޯބަލް އެކްޝަން އާއި އެހެން ބައެއް ޖަމިއްޔާތަކުން އޭނާ ބަންދުގައި ހުންނަވަނިކޮށް ގިނަ އެވޯޑްތަކެއް އަރުވާފައިވެއެވެ.
މަހުލޫފުގެ މައްޗަށް މިހާރު ވެސް ހަތަރު ދަައުވާއެއް ކޮށްފައިވާއިރު، ފާއިތުވި ދެ އަހަރެއްހާ ދުވަހު ގިނަ ދުވަހު މަހުލޫފު ހުންނެވީ ޖަލު ބަންދުގައި ނުވަތަ ގޭބަންދުގައެވެ.
