ލޯކަލް ކައުންސިލް އިންތިޙާބަށް ތައްޔާރުވުމުގެ ގޮތުން އެމްޑީޕީގެ ވަފްދު ތ. ތިމަރަފުއްޓަށް ޒިޔާރަތްކުރުމުން ހޫނު މަރުހަބާއެއް ކިޔައިފި އެވެ.
ކެމްޕެއިން ޓީމް ތިމަރަފުއްޓަށް ދިއުމުން އެޕާޓީގެ އިސްވެރިންނަށް މަރުހަބާ ކިޔާފައި ވަނީ އެރަށުގައި ތިބި އެމްޑީޕީ އާއި އަދި ގުޅިފައިވާ ޕާޓީތަކަށް ތާއީދު ކުރާ ފަރާތްތަކުންނެއެވެ.
ތިމަރަފުށީގައި އެމްޑީޕީގެ ބޮޑު ދިދަ ނަންގަވައިދެއްވީ އެމްޑީޕީގެ ނައިބް ރައީސް މުހައްމަދު ޝިފާޒް އާއި ދަތުރުގެ އެހެން ބައިވެރިންނެވެ.
މިޓީމް ހުކުރު ދުވަހު ވަނީ ދަތުރުކޮށްފައި ވަނީ ހިރިލަންދޫ އަދި ވޭމަންޑޫ އަށެވެ. ހިރިލަންދޫ ގައި ބައްދަލުވުން ބާއްވާ ދޮރުން ދޮރަށް ހިނގާފައިވާއިރު ވޭމަންޑޫގައި ވެސް ދޮރުން ދޮރަށް ހިނގާފައި ވެއެވެ.
މީގެ އިތުރުން ތިމަރަފުށީގައި އެމްޑީޕީގެ ބޮޑު ޖަލްސާއެއް މިރޭ އޮންނާނެ އެވެ. މިޖަލްސާ ރާއްޖެޓީވީން ވަގުތުން ގެނެސްދިނުމަށް ހަމަޖެހިފައިވާއިރު މާދަމާ ވެސް ތ. އަތޮޅުގެ އެކި ރަށްތަކަށް ދަތުރުކުރުމަށް ވަނީ ހަމަޖެހިފައެވެ.
ތ. އަތޮޅަކީ 18،000 މީހުންގެ އާބާދީއެއް އޮންނަ އަތޮޅެކެވެ.
