ކޮވިޑް-19 ޖެހިގެން 23 ވަނަ މީހާ ރާއްޖެއިން ނިޔާވެއްޖެ
ނިޔާވީ ހޯމަ ދުވަހުގެ ހަވީރު 05:36 ހާއިރު
އާއިޝަތު ޝިއުރާ | 17 އޯގަސްޓު 2020 | ހޯމަ 14:13
ހުޅުމާލެ މެޑިކަލް ފެސިލިޓީ
ކޮވިޑް-19 ޖެހިގެން އުމުރުން 64 އަހަރުގެ ދިވެހި އަންހެނަކު ނިޔާވެއްޖެ އެވެ.
ހެލްތު ޕްރޮޓެކްޝަން އޭޖެންސީ، (އެޗްޕީއޭ) އިން ބުނީ އޭނާ ނިޔާވީ ހޯމަ ދުވަހުގެ ހަވީރު 05:36 ހާއިރު، ހުޅުމާލެ މެޑިކަލް ފެސިލިޓީގެ އައިސީޔޫގައި ފަރުވާދެމުން ދަނިކޮށް ކަމަށެވެ.
މިއާއެކު ރާއްޖެއިން ކޮވިޑް-19 ޖެހިގެން ނިޔާވި މީހުންގެ އަދަދު ވަނީ 23ށް އަރާފައެވެ.
ރާއްޖޭގައި މިވަގުތު ކޮވިޑް-19 ޖެހިފައިވާ 2414 މީހުންނަށް ފަރުވާދެމުންދެއެވެ. މީގެތެރެއިން 146 މީހަކަށް ހޮސްޕިޓަލްގައި އަންނަނީ ފަރުވާދެމުންނެވެ.
