މެސީ އާއެކު ޒުވާން މަސްވެރިޔާ އުރީދޫގެ ހާއްސަ ކެމްޕޭނަކުން!

އުރީދޫ ގްރޫޕްގެ ބްރޭންޑް އެމްބެސަޑަރ މެސީ އާއި އުރީދޫ މޯލްޑިވްސްގެ ބްރޭންޑް އެމްބެސަޑަރ ޒުވާން މަސްވެރިޔާ ހިމަނައިގެން ކުންފުނީގެ ވަރުގަދަ ނެޓްވާރކް ދައްކުވައިދޭ ބައިނަލްއަޤުވާމީ ކެމްޕޭނެއް ލޯންޗުކޮށްފިއެވެ.

މި ކެމްޕޭން ލޯންޗުކޮށްފައިވަނީ ހޮނިހިރު ދުވަހު ސޯޝަލް މީޑިއާގައި ހިއްސާ ކޮށްފައިވާ ހާއްސަ ވީޑިއޯއަކުންނެވެ. މި އަހަރު ކުރީކޮޅު ޝޫޓް ކޮށްފައިވާ މި ވީޑިއޯގެ ޝޮޓްތައް ނެގުމަށް އުރީދޫ ޓީމާއިއެކު ޒުވާން މަސްވެރިޔާ ދެކުނު އެފްރިކާ އަށް ދަތުރުކޮށްފައިވާ ކަމަށް އުރީދޫ އިން ބުނެއެވެ.

އުރީދޫ މޯލްޑިވްސް ފެށުނީއްސުރެ މިއަދާއި ހަމައަށް އައިއިރު މުޅި ރާއްޖޭގައިވަނީ ވަރުގަދަ ނެޓްވާރކެއް ގާއިމްކޮށް، ޑިޖިޓަލް ޚިދުމަތްތައް މެދުވެރިކޮށް އާންމުންގެ ދިރިއުޅުމަށް އިތުރު ފުރިހަމަކަމާއި ފަސޭހަކަން ގެނެސްދީފައެވެ. ދުނިޔޭގައި ފާހަގަކޮށްލެވޭ ތަފާތު ޓެކްނޮލޮޖީ އާއި ޚިދުމަތްތައް ރާއްޖެއަށް ތަޢާރަފްކޮށް، މުޖުތަމައުގެ ތަރައްގީއަށް އާ ފުރުސަތުތައް ފަހިކޮށްދިނުމުގައި އުރީދޫ އިން ހަރަކާތްތެރިވެފައިވަނީ އެންމެ ކުރީ ސަފުގައެވެ. އޮގަސްޓް މަހު ކުރީކޮޅު، ކުންފުނީގެ 15ވަނަ އަހަރީ ދުވަސް ފާހަގަކޮށްފައިވާއިރު، ވޭތުވެދިޔަ އަހަރުތަކުގެ ތެރޭގައި ރާއްޖެއަށް މެދުނުކެނޑި އިންވެސްޓްކޮށް، ނެޓްވާރކް ފުޅާކޮށް، ކުރިއަށްވުރެ އެތައް ގުނައެއް އިތުރު ކުރިއެރުންވަނީ ގެނެސްދީފައިވާ ކަމަށާއި މި ދާއިރާގައި އަބަދު ވެސް އެންމެ ކުރީ ސަފުގައި ފާހަގަކުރެވޭ ކުންފުންޏަކަށް ވީ ހިނދު، ސުޕަރނެޓް ފިކްސްޑް ބްރޯޑްބޭންޑް ޕެކޭޖްތައް، ކުރިއަށްވުރެ އިތުރު ޑޭޓާ އެލަވަންސް އަދި އެތައް ގުނައެއް ހަލުވި ސްޕީޑް ހިމެނޭގޮތަށް ބަދަލުކޮށްފައިވާ ކަމަށް އުރީދޫ އިން ބުނެއެވެ.

އާންމު ދިރިއުޅުމުގެ ބަޔަކަށްވެފައިވާ އިންޓަރނެޓަކީ މިހާރު، ދުނިޔޭގެ އެކި ހިސާބުތަކުގައި ދިރިއުޅޭ ފަރާތްތައް ގުޅުވާލަދީ، މުޖުތަމައު ބިނާކޮށް، އިގްތިސާދީ ކުރިއެރުމާއި، އިޖްތިމާއީ ދުޅަހެޔޮކަން ގެނެސްދިނުމުގައި މުހިންމު ވަސީލަތެކެވެ. ދުނިޔެއަށް އަންނަ ކުރިއެރުންތަކާއި ރާއްޖޭގެ ރައްޔިތުން ގުޅުވާލަދީ، ދިވެހި މުޖުތަމައުގެ އާންމު ދިރިއުޅުމަށް އިތުރު ފުރިހަމަކަމެއް ގެނެސްދިނުމުގައި އުރީދޫ އިން އަބަދުވެސް އެންމެ ކުރީސަފުގައި ހަރަކާތްތެރިވާނެ ކަމުގެ ޔަޤީންކަން ވަނީ އަރުވާފައެވެ. އަދި ރައްޔިތުންނަށް އެންމެ ރަނގަޅު ފެންވަރުގައި އިންޓަރނެޓް ޚިދުމަތް ފޯރުކޮށްދިނުމުގައި ދެމިތިބޭނެ ކަމުގެ ޔަގީންކަން ވެސް ވަނީ އަރުވާފައެވެ.