އަންގާރަ 22 ސެޕްޓެންބަރ 2020
02 އަތަ
1442 ސަފަރު 04
ފަތިސް 04:43
އިރުއަރާ 05:54
މެންދުރު 12:03
އަސްރު 15:07
އިރުއޮއްސޭ 18:04
އިޝާ 19:15
ޔޫއޭއީއިން އިޒްރޭލާ ގުޅުން ގާއިމްކުރުން

އިޒްރޭލާ ގުޅުން ގާއިމްކުރުމުން ފަލަސްތީނުގެ ނުރުހުން ޔޫއޭއީއަށް، "ތިއީ ގައްދާރުން"

  • އިޒްރޭލާ ގުޅުން ގާއިމްކުރަން ޔޫއޭއީން ނިންމީ ޝަރުތުތަކެއް ކުރުމަށް ފަހު
  • ހަމާސް ޖަމާއަތުން ޔޫއޭއީގެ އަމަލު ސިފަކޮށްފައިވަނީ ފިނޑި އަމަލެއްގެ ގޮތުގައި
  • ޔޫއޭއީގެ ނިންމުމާ ދެކޮޅަށް އަޑުއުފުލާ ފަލަސްތީނުގައި ހިނގާލުންތަކެއް ބާއްވާފައިވޭ

ކ. މާލެ | 15 އޯގަސްޓް 2020 | ހޮނިހިރު 14:24 | 3,505

ޔޫއޭއީގެ ނިންމުމާ ދެކޮޅަށް ފަލަސްތީނު ރައްޔިތުން އަޑުއުފުލަން ބޭއްވި ހިނގާލުމެއްގެ ތެރެއިން - ރޮއިޓަރސް

ޔުނައިޓެޑް އަރަބް އެމިރޭޓްސް (ޔޫއޭއީ) އިން އިޒްރޭލާ ގުޅުން ގާއިމްކުރަން ނިންމުމުން އެ ގައުމުގެ ރައްޔިތުން ނުރުހުން ފާޅުކުރަން ފަށައިފިއެވެ.

ޔޫއޭއީން އިޒްރޭލާއެކު ގުޅުން ގާއިމްކުރުން ވެގެން ގޮސްފައިވަނީ، މިނިވަން ދައުލަތަކަށް ފަލަސްތީނު ރައްޔިތުން ކުރާ މަސައްކަތަށް ލިބުނު އިތުރު ހުރަހަކަށެވެ. ޔޫއޭއީން އިޒްރޭލާ ގުޅުން ގާއިމްކުރީ، އިޒްރޭލުން ވެރިވެގެންފައިވާ ހުޅަނގު އައްސޭރީގެ ބިންތަކަކީ އިޒްރޭލުގެ ބަޔެއްގެ ގޮތުގައި ކަނޑައެޅުން މަޑުޖައްސާލަށް ޝަރުތުކޮށްފައެވެ.

ފަލަސްތީނުގެ ފަރާތުން އިޒްރޭލާއެކު ކުރާ މަޝްވަރާތަކުގައި މުޝީރެއްގެ ރޯލު އަދާކުރާ ސާބް އަރަކާތް ވިދާޅުވީ، ބިމުގެ މައްސަލައިގައި އިޒްރޭލުން އެހެން ގޮތަކަށް އަމަލުކުރި ނަމަވެސް، އެ ދެ ގައުމުން ގުޅުން ގާއިމްކުރާނެ ކަމަށެވެ. އަދި މިއީ ފަލަސްތީނު ރައްޔިތުންގެ ހައްގަށް ބެލުމެއް ނެތި ނިންމި ނިންމުމެއް ކަމަށް ވިދާޅުވިއެވެ. ހަމާސް ޖަމާއަތުން ވެސް ވަނީ ޔޫއޭއީގެ ނިންމުން ކުށްވެރިކޮށް، އެ ގައުމުގެ "ފިނޑި" އަމަލަށް ފާޑުކިޔާފައެވެ.

ޔޫއޭއީގެ އަމަލަށް ފަލަސްތީނުގެ ރައްޔިތުންގެ ނުރުހުން އަމާޒުވެފައިވާއިރު، މިދިޔަ ހުކުރު ދުވަހުގެ ހުކުރު ނަމާދަށް ފަހު އަގްސާ މިސްކިތް ބޭރުގައި ފަލަސްތީނު ރައްޔިތުންތަކެއް ވަނީ، ޔޫއޭއީގެ ކްރައުން ޕްރިންސް މުހައްމަދު ބިން ޒަޔެދްގެ ފޮޓޮއެއްގައި އިނގިރޭސި ބަހުން ގައްދާރު (ޓްރެއިޓަރ) ޖަހައިގެން، ފަލަސްތީނުގެ ދިދައަކާއެކު އެ ސަރަހައްދުގައި ހަރުކޮށްފައެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.