ކ. މާލެ
|
5 އޯގަސްޓް 2020 | ބުދަ 11:50
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު
ރައީސް އޮފީސް
ބެއިރޫތްގައި ބާރުގަދަ ގޮވުމެއް ގޮވުން
ލުބުނާންގެ ރައްޔިތުންނަށް ރައީސް ސޯލިހު ތައުޒިޔާ ވިދާޅުވެއްޖެ
 
މިއީ ލުބުނާނުގެ ތާރީހުގައި ވެސް ހިނގި އެންމެ ނުރައްކާތެރި އެއް ގޮވުމުގެ ހާދިސާ
 
ހާދިސާ ހިނގީ ބެއިރޫގައި ހުރި ގުދަނެއްގައި ރައްކާކޮށްފައި ހުރި ކެމިކަލްތަކެއްގެ ސަބަބުން ކަމަށް ބެލެވޭ
 
ސަތޭކައަށް ވުރެ ގިނަ މީހުން ވަނީ މަރުވެފައި، އެތައް ހާސް ބަޔަކަށް ޒަހަމްވި

ލުބުނާންގެ ރައްޔިތުންނާއި އެކު ދިވެހިން ތިބިކަމަށް ވިދާޅުވެ ރައީސް ތައުޒިޔާ ވިދާޅުވެއްޖެއެވެ.

އަންގާރަ ދުވަހު ބެއިރޫތުގެ ޕޯޓުގައި ހިނގި ބާރުގަދަ ގޮވުމުގެ ހާދިސާގައި ސަތޭކައަށް ވުރެ ގިނަ މީހުން މަރުވެ، އެތައް ހާސް ބަޔަކު ވަނީ ޒަހަމްވެފައެވެ. އެ ހާދިސާގައި ގެއްލުން ލިބުނު ފަރާތްތަކަށް ތައުޒިޔާ ވިދާޅުވެ ކުރެއްވި ޓުވީޓުގައި ރައީސް ވިދާޅުވީ އެ ހާދިސާގައި މަރުވި މީހުންނާއި އަނިޔާ ލިބުނު ފަރާތްތަކުގެ ހިތާމައިގައި ބައިވެރިވެވަޑައިގަންނަވާ ކަމަށެވެ.

ލުބްނާނުގެ ހެޑް އޮފް ޖެނެރަލް ސެކެރެޓަރީއާ ހަވާލާދީ އަލްޖަޒީރާގައި ރިޕޯޓްކޮށްފައި ވަނީ، ގޮވަން ފެށީ ގޮވާތަކެތި ރައްކާ ކޮށްފައި ހުރި ގުދަނަކުން ކަމަށެވެ. މީޑިއާތަކުން ރިޕޯޓްކޮށްފައިވާ ގޮތުގައި، ގުދަނުގައި ހުރި އެމޯނިއަމް ނައިޓްރޭޓްއެވެ. މި ޒާތުގެ ކެމިކަލަކީ ފަސޭހައިން ހުޅުހިފާ، ގޮވާ ޒާތުގެ ކެމިކަލެކެވެ.

މި ހާދިސާ ހިނގަން މެދުވެރިވީ ސީދާ ސަބަބެއް މިހާތަނަށް ދެނެގަނެވިފައި ނުވީނަމަވެސް، މިކަމުގައި ޒިންމާ ނަގަންޖެހޭ ފަރާތްތަކުން ބޮޑު އަގެއް ދައްކާނެ ކަމަށް ލުބުނާނުގެ ބޮޑުވަޒީރު ހަސަން ދިއާބް ވަނީ ވިދާޅުވެފައެވެ. މިއީ އެ ގައުމުގެ ތާރީހުގައި ވެސް ހިނގި އެންމެ ނުރައްކާތެރި ގޮވުމުގެ ހާދިސާއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
0%
100%
0%
0%
0%
ކޮމެންޓް