ޖުލައި މަހު 21 ފުލުހެއް ޕޮޒިޓިވްވި
އާރުއާރުޓީ އިން ސާމްޕަލް ނެގުމުގައި ހަރަކާތްތެރިވަނީ
ޖުލައި މަހުގެ ތެރޭގައި ގިނަ އަދަދެއްގެ ހެލްތު ކެއަރ ވަރކަރުންނާއި ފުލުހުން ކޮވިޑް -19ށް ޕޮޒިޓިވްވެފައިވާ ކަމަށް ހެލްތު އިމަރޖެންސީ އޮޕަރޭޝަން ސެންޓަރ (އެޗްއީއޯސީ) އިން ބުނެފިއެވެ.
ހޮނިހިރު ދުވަހު އެޗްއީއޯސިން ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އެ ސެންޓަރުގެ ތަރުޖަމާން ޑރ. ނަޒްލާ ރަފީގް ވަނީ މިހާތަނަށް ކޮވިޑަށް ޕޮޒިޓިވްވި ފްރޮންޓްލައިން ވަރކަރުންގެ އަދަދުތައް ހިއްސާކުރައްވާފައެވެ. އެގޮތުން އޭނާ ވިދާޅުވީ މިހާތަނަށް 60 ށް ވުރެ ގިނަ ހެލްތު ކެއަރ ވަރކަރުންނާއި ފުލުހުން ކޮވިޑަށް ޕޮޒިޓިވްވެފައިވާ ކަމަށެވެ.
ކޮވިޑް-19 އާއި ގުޅިގެން ކުރީސަފުގައި ހެލްތު ކެއަރ ވަރުކަރުންގެ އިތުރުން، ފުލުހުންނާއި އެހެނިހެން އަސާސީ ޚިދުމަތްތައް ފޯރުކޮށްދޭ ފަރާތައް ދަނީ މަސައްކަތް ކުރަމުންނެވެ. އެފަރާތްތަކަށް ޚާއްސަ އެލަވެންސެއް ސަރުކާރުން ވަނީ ދޭން ފަށާފައެވެ.
