ޤުރްއާން ކިޔެވުމުގެ 32 ވަނަ ޤައުމީ މުބާރާތް މިއަހަރުގެ ސެޕްޓެމްބަރު މަހު ބާއްވަނީ
22 ޖެނުއަރީ 2017 | އާދީއްތަ 12:24މުބާރާތުގައި ބައިވެރިވުމަށް އެދޭ ފޯމް މިއަހަރުގެ މެއި 31 ކުރިން ގުރުއަނާ ބެހޭ މަރުކަޒުން ލިބޭނެ
ގުރުއާނާ ބެހޭ މަރުކަޒު
ޤުރްއާން ކިޔެވުމުގެ 32 ވަނަ ޤައުމީ މުބާރާތް މި އަހަރު ސެޕްޓެމްބަރު މަހަށް ކީރިތި ގުރުއާނާ ބެހޭ މަރުކަޒުން ކަނޑައަޅައިފި އެވެ.
ކީރިތި ގުރުއާނާ ބެހޭ މަރުކަޒުން ނިންމާފައިވާ ގޮތުން ގުރުއާން ކިޔެވުމުގެ 32 ވަނަ ގައުމީ މުބާރާތް ބޭއްވުމަށް ހަމަޖެހިފައިވަނީ މިއަަހަރުގެ 23 ސެޕްޓެމްބަރު މަހު އެވެ.
މި މުބާރާތުގާ ބައިވެރިވެވޭނީ އަތޮޅު ކައުންސިލްތަކާއި ސިޓީ ކައުންސިލްތަކާއި އެ ކުންފުންޏެއްގެ ނުވަތަ އެ ޖަމިއްޔާއެއްގެ މަގްސަދުތަކުގެ ތެރޭގައި އިސްލާމުދީނަށް ޚިދްމަތް ކުރުން ހިމެނޭ ކުންފުނި ތަކަށާއި ޖަމިއްޔާތަކަށް ބައިވެރިވެވޭނެ ކަމަށް ގުރުއާނާ ބެހޭ މަރުކަޒުން ހާމަކުރެ އެވެ.
މި މުބާރާތް ދެ ބަޔަކަށް ބެހިފައިވާ އިރު އެއީ ފޮތުން ކިޔެވުމުގެ ބަޔާއި ހިތުން ކިޔެވުމުގެ ބަޔަކަށް ކަމަށް ގުރުރާނާ ބެހޭ މަރުކަޒުން ހާމަކުރެ އެވެ. މި ދެބައި ތިން ގޮފިތަކަށް ވަނީ ބެހިފައެވެ.
މުބާރާތުގައި ބައިވެރިވުމަށް އެދޭ ފޯމް މިއަހަރުގެ މެއި 31 ކުރިން ގުރުއަނާ ބެހޭ މަރުކަޒަށް ހުށަހެޅުމަށް އެ އިދާރާއިން ބުނެ އެވެ.
