ޗިލްޑްރެންސް އޮމްބަޑްސްޕަރސަންގެ މަޤާމަށް ރައީސް ނިއުމަތު އައްޔަންކުރައްވައިފި
ރައީސް ސޯލިހު ނިއުމަތު ނަންފުޅު މަޖިލީހަށް ފޮނުއްވީ ޖޫން މަހުގެ 16 ވަނަ ދުވަހު
ނިއުމަތު ޝަފީގު
ޗިލްޑްރަންސް އޮމްބަޑްސްޕަރސަންގެ މަގާމަށް މ. މާފުށި، ނިއުމަތު ޝަފީގު ރައީސުލްޖުމްހޫރިއްޔާ މިއަދު އައްޔަންކުރައްވައިފިއެވެ.
ކުޑަކުދިންގެ ހައްގުތައް ރައްކާތެރިކުރުުގެ ގާނޫނުގެ 113 ވަނަ މާއްދާގައިވާ ގޮތުގެ މަތީން، ޗިލްޑްރަންސް އޮމްބަޑްސްޕަރސަންގެ މަގާމަށް ބޭފުޅަކު އައްޔަން ކުރުމަށް، ރައީސް ސޯލިހު ނިއުމަތު ނަންފުޅު މަޖިލީހަށް ފޮނުއްވީ ޖޫން މަހުގެ 16 ވަނަ ދުވަހުއެވެ. މި މަގާމަށް މ. މާފުށިގެ ނިއުމާތު ޝަފީގް އައްޔަނުކުރެއްވުމާ ގުޅޭގޮތުން މަޖިލީހުގެ ރުހުން ހޯއްދެވުމަށް ރައީސުލްޖުމްހޫރިއްޔާ ފޮނުއްވާފައިވާ ސިޓީފުޅު ދިރާސާ ކުރެއްވި ހިއުމަން ރައިޓްސް އެންޑް ޖެންޑަރ ކޮމިޓީން ނިންމާފައިވަނީ ނިއުމަތު އެ މަގާމަށް އައްޔަނުކުރުމަށް ފެންނަ ކަމަށެވެ. އެކަމަށްޓަކައި ނެގުނު ވޯޓުގައި ބައިވެރިވެވަޑައިގެންނެވި 70 މެމްބަރުންގެ އިއްތިފާގުން ވަނީ ނިއުމަތު އެ މަގާމަށް އައްޔަނު ކުރުމަށް ފެންނަ ކަމަށް ވޯޓު ދެއްވާފައެވެ.
ޗިލްޑްރަންސް އޮމްބަޑްސްޕަރސަންގެ މަސްއޫލިއްޔަތުތަކުގެ ތެރޭގައި ހިމެނެނީ:
ކުޑަކުދިންގެ ހައްޤުތައް ރައްކާތެރިކުރުމުގެ ޤާނޫނުގެ ދަށުން އައްޔަނުކުރާ ޗިލްޑްރަންސް އޮމްބަޑްސްޕަރސަންއަށް މުސާރައާއި އިނާޔަތުގެ ގޮތުގައި 35،000ރ. ދިނުމަށް ރައްޔިތުންގެ މަޖިލީހުން ފާސްކޮށްފިއެވެ.
ކުޑަކުދިންގެ ހައްޤުތައް ރައްކާތެރިކުރުމުގެ ޤާނޫނުގެ 121 ވަނަ މާއްދާގައި ޗިލްޑްރަންސް އޮމްބަޑްސްޕަރސަންއަށް ދެވޭ މުސާރައާއި އިނާޔަތް ކަނޑައަޅާނީ ރައްޔިތުންގެ މަޖިލީހުން ކަމަށް ވަނީ ބަޔާންކޮށްފައެވެ. ކޮމިޓީން ނިންމާފައިވަނީ މުސާރައިގެ ގޮތުގައި 25،000ރ. އަދި އެލަވަންސްގެ ގޮތުގައި 10،000ރ. ކަނޑައެޅުމާއެކު، ޖުމްލަ މުސާރައާއި އިނާޔަތުގެ ގޮތުގައި 35،000ރ. ކަނޑައެޅުމަށެވެ.
