އައިޖީއެމްއެޗުން ހެދި ޕީސީއާރު ޓެސްޓްގެ އަދަދު ބައިލައްކައަށް!
އައިޖީއެމްއެޗް ލެބުން ހަދާ ޓެސްޓްތައް ޑަބްލިއުއެޗްއޯއިން ގަބޫލުކުރާ މިންގަނޑަށް ފެތޭ
އިންދިރާ ގާންދީ މެމޯރިއަލް ހޮސްޕިޓަލް
އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގެ ލެބޯޓްރީން ހެދި ޕީސީއާރު ޓެސްޓްގެ އަދަދު ބައިލައްކައަށް އަރައިފިއެވެ.
އައިޖީއެމްއެޗުން ކޮށްފައިވާ ޓްވީޓެއްގައި ވަނީ ހުކުރު ދުވަހުގެ ނިޔަލަށް އެ ހޮސްޕިޓަލްގެ ލެބޯޓްރީން 50،000 ޕީސީއާރު ޓެސްޓް ހެދިފައިވާކަމަށެވެ.
މި ޓެސްޓް ތަކަކީ ކަރުތެރއިންނާއި ނޭފަތުން ނަގާސާމްޕަލްއަކުން ކުރީބައިގައި ވައިރަސް ހުރިކަން ދެނެގަނެވި ކޮވިޑް-19 ޖެހިފައިވާކަން ކަށަވަރު ކުރެވޭ ޓެސްޓެއް ކަމަށް އައިޖީއެމްއެޗުން މައުލޫމާތު ދެއެވެ.
އައިޖީއެމްއެޗް އިން ކޮވިޑް-19އަށް ހަދަމުންދާ ޓެސްޓްތަކަށް ދުނިޔޭގެ ސިއްޚަތު ޖަމުޢިއްޔާ (ޑަބްލިއުއެޗްއޯ) އިން %100 ވަނީ ދީފައެވެ.
އައިޖީއެމްއެޗުން ބުނީ ޑަބްލިއުއެޗްއޯއިން ކަނޑައަޅާ މިންގަނޑުތަކަށް ފެތޭތޯ ހިންގި ޕްރޮގްރާމުގައި އެ ޖަމިއްޔާއިން ފޮނުވާފައިވާ ކާކުކަން ނޭންގޭ ސާމްޕަލްތަކެއް އައިޖީއެމްގެ ލެބުން ޓެސްޓްކޮށް ނަތީޖާ ޑަބްލިއުއެޗްއޯއިން ގަބޫލުކުރާ މިންގަނޑަށް ފެތޭކަމަށް އެ ޖަމިއްޔާއިން ވަނީ ހާމަކޮށްފައެވެ.
އެހެންކަމުން އެ ހޮސްޕިޓަލުން ހަދަމުންދާ ޓެސްޓް ތަކަކީ ބައިނަލްއަޤްވާމީ މިންގަނޑުތަކަށް ފެތޭ ޓެސްޓްތަކެއް ކަން ވަނީ ކަށަވަރު ކުރެވިފައެވެ.
ރާއްޖޭގައި ކޮވިޑަށް އެންމެ ފުރަތަމަ ޓެސްޓް ކުރަން ފަށާފައިވަނީ އައިޖީއެމްއެޗްގެ ލެބޯޓްރީގައެވެ.
އެ ހޮސްޕިޓަލުން ދަނީ ކޮވިޑަށް ޓެސްޓް ކުރުމުގެ މަސައްކަތް 24 ގަޑިއިރު ކުރިއަށް ގެންދަމުންނެވެ. މީގެ އިތުރުން ވެސް ކޮންމެ ދުވަހަކު އެތައް ހާސް ޓެސްޓް ތަކެއްގެ މަސައްކަތް އައިޖީއެމްއެޗްގެ ލެބޯޓްރީން ދަނީ ކުރިއަށް ގެންދަމުންނެވެ.
