ހުކުރު 14 އޯގަސްޓު 2020
04 މާ
1441 ޒުލްޙައްޖު 24
ފަތިސް 04:48
އިރުއަރާ 06:01
މެންދުރު 12:15
އަސްރު 15:29
އިރުއޮއްސޭ 18:20
އިޝާ 19:34
ގްރީޒްމަނަށް އަނިޔާވެ ކުޅުމާ ދުރަށް

ގްރީޒްމަނަށް އަނިޔާވެ ކުރިއަށް ހުރި މެޗުތަކުގައި ނުކުޅެވޭނެ

  • ގްރީޒްމަން އަށް ސްޕެނިޝް ލީގުގެ ކުރިޔަށް ހުރި މެޗުތަކުގައި ނުކުޅެވޭނެ

ކ. މާލެ | 12 ޖުލައި 2020 | އާދީއްތަ 16:51 | 1,646

އެންޓޮއިން ގްރީޒްމަން: އަނިޔާގެ ސަބަބުން ސްޕެނިޝް ލީގުގައި ކުރިއަށް ހުރި މެޗުތަކުގައި އޭނާއަށް ނުކުޅެވޭނެ - ގެޓީ އިމޭޖާސް

މި ސީޒަނުގައި ބާސެލޯނާއާ އަލަށް ގުޅުނު ފްރާންސްގެ ހުނަރުވެރި ފޯވާޑް އެންޓޮއިން ގްރީޒްމަނަށް އަނިޔާވެ، ސްޕެނިޝް ލީގުގައި ކުރިއަށް ހުރި މެޗުތަކުގައި އޭނާއަށް ނުކުޅެވޭނެ ކަމަށް ބާސެލޯނާއިން ބުނެފިއެވެ.

29 އަހަރުގެ ފޯވާޑަށް އަނިޔާވީ ހޮނިހިރު ދުވަހުގެރޭ ރަށުން ބޭރުގައި ވަޔަޑޮލިޑް އަތުން ބާސާ 1-0 ން މޮޅުވި މެޗުގެ ތެރެއިންނެވެ. މެޗަށްފަހު ވާހަކަދައްކަމުން ބާސާގެ ކޯޗު ކީކޭ ސެޓެއިން ބުނީ ގްރީޒްމަން ބަދަލުކުރަން ޖެހުނީ އޭނާ އަމިއްލައަށް އެކަމަށް އެދުމުން ކަމަށާއި، އޭނާގެ އަނިޔާގެ މައްސަލައަށް އެއްޗެކޭ ބުނަން އިނގޭނީ ރިޕޯޓުތައް ލިބުމުން ކަމަށެވެ.

ބާސާއިން ކުރި ޓްވީޓެއްގައި ބުނެފައިވަނީ ގްރީޒްމަންގެ ޓެސްޓު ރިޕޯޓުތައް ލިބިފައިވާ ކަމަށާއި، އޭނާގެ ކަނާތު ފައިގެ މަސްގަނޑަށް ލިބިފައިވާ އަނިޔާއާ ގުޅިގެން މި ސީޒަނުގެ ސްޕެނިޝް ލީގުގައި ދެން އޭނާ ފެނުގެ ފުރުސަތު ކުޑަ ކަމަށެވެ.

ގްރީޒްމަނަށް އަނިޔާވިއިރު، ރިޕޯޓުތައް ބުނާ ގޮތުން ކުރިއަށް އޮތް ޓްރާންސްފާ ބާޒާރުގައި ގްރީޒްމަން ވިއްކާލަން ބާސާއިން އަންނަނީ މަސައްކަތް ކުރަމުންނެވެ. އެގޮތުން ބާސާއިން އޭނާ ވިއްކާލަން މަސައްކަތް ކުރަނީ 100 މިލިއަން ޔޫރޯއަށް ކަމަށްވެސް ވަނީ ރިޕޯޓުކޮށްފައެވެ.

ގްރީޒްމަން ބާސާއަށް ބަދަލުވީ މިދިޔަ އަހަރުގެ ހޫނު މޫސުމުގައި ކުރީގެ ކްލަބު އެތުލެޓިކޯ މެޑްރިޑާއެކު ހަދާފައިވާ އެއްބަސްވުން އުވާލަން ދައްކަންޖެހޭ 120 މިލިއަން ޔޫރޯ ބާސާއިން ދެއްކުމުންނެވެ. އޭނާ ބާސާ އާއެކު ފަސް އަހަރުގެ މުއްދަތަކަށް ސޮއިކުރިއިރު، އެ އެއްބަސްވުން ހަމަވާނީ 2024 ގައެވެ.

އެކަމަކު ބާސާއަށް ބަދަލުވުމަށްފަހު އޭނާއަށް އެންމެ އެދެވޭ ކުޅުމެއް ދެއްކިފައެއް ނުވެއެވެ. އެގޮތުން މިހާތަނަށް ބާސާއަށް ކުޅެދިން 46 މެޗުގައި ގްރީޒްމަނަށް ކާމިޔާބުކުރެވިފައިވަނީ 15 ލަނޑެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.