އެޗްއާރުސީއެމްގެ ރައީސްގެ މަގާމުން އީނާސް އިސްތިއުފާ ދެއްވައިފި
އެ ކޮމިޝަނުގެ މެމްބަރެއް ވެސް މަޤާމުން އިސްތިއުފާ ދެއްވާފައިވޭ
އައިމިނަތު އީނާސް
ހިއުމަން ރައިޓްސް ކޮމިޝަން އޮފް ދި މޯލްޑިވްސް (އެޗްއާރުސީއެމް) ގެ ރައީސް އައިމިނަތު އީނާސް އިސްތިއުފާ ދެއްވައިފިއެވެ.
އީނާސްގެ އިތުރުން އެ ކޮމިޝަނުގެ މެމްބަރު އައިޝަތު އަފްރީން ވެސް ވަނީ މަގާމުން އިސްތިއުފާ ދެއްވާފައެވެ.
އެ ދެ މެމްބަރުން މަގާމުން އިސްތިއުފާ ދެއްވިއިރު، އެ ކޮމިޝަންގައި މިހާރު ތިއްބެވި ފަސް މެންބަރުންނަކީ ވެސް ކުރީގެ ރައީސް އަބްދުﷲ ޔާމީންގެ ވެރިކަމުގައި ކޮމިޝަނަށް އައްޔަން ކޮށްފައިވާ މެންބަރުންނެވެ.
އީނާސް އާއި އަފްރީން އިސްތިއުފާ ދެއްވާފައިވާއިރު އެޗްއާރުސީއެމްގެ ހަތަރު މެންބަރުންގެ މެންބަރުކަމުގެ މުއްދަތު ހަމަވާތީ، އެ ކޮމިޝަނަށް މެންބަރުން ޢައްޔަނު ކުރެއްވުމަށްޓަކައި މެންބަރުކަމުގެ މަޤާމަށް ކުރިމަތިލުމުގެ ފުރުޞަތު ރައީސުލްޖުމްހޫރިއްޔާގެ އޮފީހުން ވަނީ ހުޅުވާލާފައެވެ.
އެ މަޤާމަށް ކުރިމަތިލުމުގެ ފުރުޞަތު ހުޅުވާލާފައިވަނީ ޖުލައި 12 އަދި 13 ވަނަ ދުވަހު ހެނދުނު 09:30ން މެންދުރުފަހު 12:30 އަށެވެ.
