ހުޅުމާލޭ ހޮސްޕިޓަލުން ފުރަތަމަ ފަހަރަށް މައިބަދައިގެ ސާރޖަރީއެއް ކޮށްފި

ހުޅުމާލޭ ހޮސްޕިޓަލުން ފުރަތަމަ ފަހަރަށް މައިބަދައިގެ ސާރޖަރީއެއް ކޮށްފިއެވެ.

އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އިން ބުނީ، ހުޅުމާލޭ ހޮސްޕިޓަލުގައި ފުރަތަމަ ފަހަރަށް މައިބަދައިގެ ސާރޖަރީއެއް ކޮށްފައިވާ ކަމަށެވެ. އެގޮތުން މި ސާރޖަރީ ކާމިޔާބުކަމާއެކު ނިންމާލާފައިވާއިރު، އައިޖީއެމްއެޗްގެ ޓީމުން ވަނީ ސާރޖަރީގައި އެހީތެރިކަން ފޯރުކޮށްދީފައެވެ.

އެގޮތުން އުމުރުން 45 އަހަރުގެ ފިރިހެނެއްގެ މައިބަދައިގެ ސާރޖަރީ ވަނީ ކާމިޔާބުކަމާއެކު ނިންމާލާފައެވެ.

އައިޖީއެމްއެޗުން ވަނީ މިއީ ހުޅުމާލޭ ހޮސްޕިޓަލަށް ލިބުނު ކާމިޔާބީއެއްކަން ފާހަގަކޮށް އެ ހޮސްޕިޓަލަށް މަރުޙަބާ ކިޔާފައެވެ.

އައިޖީއެމްއެޗުން މިފަދަ އޮޕަރޭޝަންތަކުގައި އެހީތެރިކަން ފޯރުކޮށްދޭއިރު، އައްޑޫ އިކުއިޓޯރިއަލް ހޮސްޕިޓަލްގައި މައިބަދައިގެ އޮޕެރޭޝަނެއް ކުރެއްވުމައްވެސް އައި.ޖީ.އެމް.އެޗްގެ ޑޮކްޓަރުންނާއި ނަރުހުންގެ ޓީމެއް މީގެ ކުރިން އެރަށަށްވެސް ގޮސްފައިވެއެވެ.