މާވެޔޮ މިސްކިތް އަލުން ހުޅުވައިފި
10 ޖުލައި 2020 | ހުކުރު 15:57މިސްކިތް ހުޅުވައިދެއްވީ އިސްލާމިކް މިނިސްޓަރު
އިމާރާތަށް ފަހު މާވެޔޮ މިސްކިތް ހުޅުވާފައިވަނީ ހުކުރު ދުވަހު
މާވެޔޮ މިސްކިތް އަލުން ހުޅުވައިފިއެވެ.
މާވެޔޮ މިސްކިތް އަލުން އިމާރާތްކޮށް ނިންމާފައިމިވަނީ މިސްކިތް ތަޅާލިތާ ގާތްގަނޑަކަށް ހަތަރު އަހަރުވާން ކައިރިވެފައި ވަނިކޮށެވެ. ހުކުރު ދުވަހުގެ އަސުރު ނަމާދަށް މިސްކިތް ހުޅުވައިދެއްވީ އިސްލާމިކް މިނިސްޓަރު ޑރ. އަހުމަދު ޒާހިރުއެވެ.
މި މިސްކިތަކީ އިމާރާތް ކުރުމުގެ ދާއިރާ، މަސީގެ ރައީސް މުހައްމަދު އަލީ ޖަނާހު ބައްޕާ، އަލީ ހުސައިންގެ ހަނަދާނުގައި ހުޅުވި މިސްކިތެކެވެ.
ޒަމާނީ ބަދަލުތަކާއެކު ހަތް ބުރިއަށް އިމާރާތްކޮށްފައިވާ މާވެޔޮ މިސްކިތުގައި ގައި އެއްފަހަރާ 1800 މީހުންނަށް ނަމާދު ކުރެވޭނެއެވެ. މުޅި މިސްކިތްވަނީ އޭސީ ހަރުކޮށް ސީސީ ޓީވީ ކެމެރާ ބަހައްޓާފައެވެ. މިސްކިތުގައި 10 މީހުންގެ ޖާގައިގެ ލިފްޓެއް ހަރުކުށްފައިވާއިރު 29 މީހުންނަށް އެއްފަހަރާ ވުޟޫ ކުރެވޭނެ އިންތިޒާމް ވަނީ ހަމަޖައްސާފައެވެ.
މިސްކިތް ހަދާފައިވަނީ އަންހެނުންނާއި ފިރިހެނުންނަށް ވަކިން ނަމާދުކުރެވޭނެ އިންތިޒާމާއި ޓެރަހުގައި ނަމާދުކުރެވޭނެ ގޮތަށް ފަރުމާކޮށްފައެވެ. މާވެޔޮ މިސްކިތް އިމާރާތް ކުރުމުގެ މަސައްކަތް ކުރަން ފަށާފައިވަނީ 2017 ވަނަ އަހަރުގައެވެ.
