ބޭންކް އޮފް މޯލްޑިވްސް (ބީއެމްއެލް) ގެ ކަސްޓަމަރުންނަށް ވެބްސައިޓް މެދުވެރިކޮށް އިންޓަނެޓް ބޭންކިން އަށް ވަގުތުން ރެޖިސްޓަރ ކުރެވޭ ގޮތަށް ހަމަޖައްސައިފިއެވެ.

ބީއެމްއެލްއިން ބުނީ އިންޓަނެޓް ބޭންކިން އަށް ރެޖިސްޓްރީވާން ބޭނުންވާ ކަސްޓަމަރުންނަށް ބޭންކުގެ ޕޯޓަލްގައި ހުރިލިންކުބޭނުން ކޮށްގެން ރެޖިސްޓަރ ކުރެވޭނެ ކަމަށެވެ.

މި ލިންކުގެ ސައިން އަޕް ބަޓަނަށް ފިއްތާލުމުން ކަސްޓަމަރުގެ އެކައުންޓް ނަންބަރު ޖަހައި އޯޓީޕީ ފޮނުވުމަށްއެދޭ ގޮތް (މޯބައިލް ނުވަތަ އީމެއިލް) ހިޔާރުކުރެވޭނެއެވެ. އޯޓީޕީ ފޮނުވުމަށް ހިޔާރުކުރާ ނަންބަރަކީ ނުވަތަ މެއިލަކީ ބޭންކުގައި ރަޖިސްޓްރީ ކޮށްފައިވާން ޖެހޭނެއެވެ. އެ ނަމްބަރަށް ނުވަތަ މެއިލްއަށް ލޮގިން އައިޑީ އާއި ޕާސްވޯޑް ލިބޭނެއެވެ.

ޒަމާނީ ޓެކްނޮލޮޖީއާ އެކު ބޭންކް އޮފް މޯލްޑިވްސް އިން އަންނަނީ ވަރަށް ފުޅާ ދާއިރާއެއްގައި ޑިޖިޓަލް ބޭންކިންގެ ހިދުމަތް ދެމުންނެވެ. މި ހިދުމަތްތަކުގެ ތެރޭގައި އިންޓަރނެޓް، މޮބައިލް ބޭންކިން، ޕޭމަންޓްގޭޓްވޭ އަދި ޑިޖިޓަލް ވޮލެޓްގެ ހިމެނެއެވެ. ބޭންކު މެދުވެރިކޮށް ހިންގޭ މުއާމަލާތުގެ 90 އިންސައްތަ އަކީ ޑިޖިޓަލް ވަސީލަތްތައް ބޭނުންކޮށްގެން ހިންގޭ މުއާމަލާތްތަކެވެ.