މޯލްޑިވްސް ބްލަޑް ސާވިސަސްއާ ގުޅިގެން ބޭންކް އޮފް މޯލްޑިވްސްއިން މިއަދު ލޭ ހަދިޔާ ކުރުމުގެ ޕްރޮގްރާމެއް ކުރިޔަށް ގެންގޮސްފިއެވެ.
މިހަރަކާތަކީ "އަހަރެންގެ ބޭންކް" ކެމްޕޭންގެ ދަށުން މި ފެބްރުއަރީ މަހުގެ ކޮންމެ ދުވަހަކުވެސް މުޖުތަމައަށް ފައިދާ ހުރި ހަރަކާތެއް ހިންގުމަށް ބޭންކުން ކުރިޔަށް ގެންދާ 28 ދުވަހުގެ ޕްރޮގްރާމްތަކުގެ ތެރެއިން ކުރިޔަށް ގެންދިޔަ ހަރަކާތެވެ.
މި ހަރަކާތުގައި ބޭންކްގެ 30 އަށް ވުރެ ގިނަ މުވައްޒަފުން ލޭ ހަދިޔާ ކޮށްފައިވެއެވެ.
މިއަދު ހަދިޔާ ކުރި ލޭ ބޭނުންކުރުމަށް ހަމަޖެހިފައިވަނީ ތެލެސީމިޔާ ކުދިންނަށެވެ. މިހަރަކާތް ހިންގާފައިވަނީ ސީ ޓްރެކްސް ބިލްޑިންގްގައި ހުންނަ ބޭންކްގެ ކޮންފަރެންސް ހޯލްގައެވެ.
މިހަރަކާތުގައި ބައިވެރިވި ބޭންކްގެ މުވައްޒަފުންނަށް "އަހަރެންގެ ބޭންކް" ކެމްޕޭންގެ ޚާއްސަ ހަދިޔާއެއް ދީފައިވެއެވެ.
