ކޮވިޑް-19 ޖެހިގެން މަރުވި މީހުންގެ އަދަދު 450،000 އަށް އަރައިފި

ކޮވިޑް-19 ޖެހިގެން މަރުވި މީހުންގެ އަދަދު 450،000 އަށް އަރައިފި އެވެ.

އެންމެ ފަހުގެ ތަފާސްހިސާބުތައް ދައްކާގޮތުން މިހާތަނަށް މުޅި ދުނިޔެއިން، 8504،663 މީހުން ވައިރަސްއަށް ޕޮޒިޓިވް ވެފައިވާއިރު، މިހާތަނަށް މަރުވި މީހުންގެ އަދަދު ވަނީ 452،968 އަށް އަރާފައެވެ.

މިހާތަނަށް އެންމެ ގިނަ އަދަދެއްގެ ބަޔަކު ޕޮޒިޓިވްވެފައި ވަނީ ވެސް އަދި މަރުވެފައި ވަނީ ވެސް އެމެރިކާއިންނެވެ. އެގޮތުން އެމެރިކާއިން ޕޮޒިޓިވްވި މީހުންގެ ޖުމުލަ އަދަދު 2245،789 މިލިއަނަށް އަރާފައިވާއިރު، ބަލި ޖެހިގެން މަރުވި މީހުންގެ އަދަދު ވަނީ 120،162 އަށް އަރާފައެވެ.

ފާއިތުވި 24 ގަޑިއިރު ތެރޭގައި އެންމެ ގިނަ އަދަދެއްގެ ޕޮޒިޓިވް ކޭސް ރިޕޯޓް ކުރެވުނު ޤައުމުތަކުގެ ތެރޭގައި އެމެރިކާ، ބްރެޒިލް، ރަޝިޔާ، އަދި އިންޑިއާ ހިމެނެއެވެ.

މީގެ އިތުރުން، މުޅި ދުނިޔެއިން މި ބަލި ޖެހުނު މީހުންގެ ތެރެއިން 4453،454 މީހުން ވަނީ ރަނގަޅުވެސް ކުރެވިފައެވެ.