ކޮވިޑްގެ ހާލަތުގައިވެސް ރައްޔިތުންނަށް އެންމެ ފުރިހަމަ ގޮތުގައި ޚިދުމަތްދެވުން: މުޣުނީ
16 ޖޫން 2020 | އަންގާރަ 03:22މުވައްޒަފުން ކުރި މަސައްކަތަށް ވަނީ ޝުކުުރު އަދާކުރައްވާފައި
ސްޓެލްކޯގެ މެނޭޖިންގ ޑިރެކްޓަރު ހަސަން މުޢުނީ
އެންމެ ބޮޑު ހިތްހަމަޖެހުމަކީ ކޮވިޑް ހާލަތުގައިވެސް ރައްޔިތުންނަށް ދޭންބޭނުންވާ ހިދުމަތް އޭގެ އެންމެ ފުރިހަމަ ގޮތުގައި ދެވުން ކަމަށް ސްޓެލްކޯގެ މެނޭޖިންގ ޑިރެކްޓަރު ހަސަން މުޢުނީ ވިދާޅުވެއްޖެ އެވެ.
ސްޓެލްކޯގައި ފުރަބަންދުވެގެން ހިދުމަތްދިނުމުގައި ދެމި ތިބި މުވައްޒަފުންގެ އަގު ވަޒަން ކުރުމަށްޓަކައި ބޭއްވި ރަސްމިއްޔާތުގައި މުޢުނީ ވިދާޅުވީ، އެމުއްދަތުގެ ތެރޭގައި މުވައްޒަފުންގެ ފަރާތުން ފެނިގެންދިޔަ ކެތްތެރިމަށާއި، އާއިލާތަކާއި ދުރުގައި ތިބެގެން ކުރި މަސައްކަތައް ވަރަށް ބޮޑު ޝުކުރު ދަންނަވާ ކަމަށެވެ. އަދި ކޮންމެ އަހަރަކުވެސް ސްޓެލްކޯގެ މަސައްކަތަށް އެންމެ ބާރު ބޮޑުވަނީ ހޫނު މޫސުމުގައިކަމަށާއި، ކޮވިޑް ހަލާތުގައި ސްޓެލްކޯގެ މުވައްޒަފުން ބުރަ މަސައްކަތްތަކެއްކޮށް އެހެން އަހަރުތަކުގެ ހޫނުމޫސުމުގައި ދިމަވާ ކަރަންޓު ކެނޑުމުގެ މައްސަލައަށް ހައްލު ހޯދަދީފައިވާ ކަމަށް އޭނާ ވިދާޅުވި އެވެ.
މުޢުނީ އިތުރަށް ވިދާޅުވީ، މިއަހަރުގެ ހޫނު މޫސުމާއި، ރޯދަމަސް ދިމާވި ކަމުގައިވީނަމަވެސް، ކަރަންޓުގެ މައްސަލަތަކެއް ދިމާވެފައިނުވާ ކަމަށާއި، އެ ފަދަ މައްސަލައެއް ދިމާނުވެ، ކަސްޓަމަރުންނަށް ފުރިހަމަޔަށް ހިދުމަތް ދެވުމަކކީ ވަރަށް ބޮޑު ކާމިޔާބީއެއް ކަމަށެވެ.
ސްޓެލްކޯ ހިމެނިގެންދާނީ ކޮވިޑާއި ގުޅިގެން ދިމާވެދާނެ ކަންކަމަށް އެންމެ ފުރަތަމަ ތައްޔާރުވާން ފެށި ކުންފުނިތަކުގެ ތެރޭގައި ކަމަށާއި، އެގޮތުން ފެބްރުއަރީ މަހުން ފަށައިގެން އެކަމަށް ތައްޔާރުވެ އެސްއޯޕީތައް އެކުލަވާލަން ފަށާފައިވާ ކަމަށްވެސް މެނޭޖިންގ ޑިރެކްޓަރު ވިދާޅުވި އެވެ. އަދި ދުރާލާ އެޅިގެންދިޔަ ފިޔަވަޅުތަކުގެ ނަތީޖާއަކީ މިހާތަނަށް ސްޓެލްކޯގެ އެއްވެސް މުވައްޒަފަކު ކޮވިޑަށް ޕްޒިޓިވް ނުވުން ކަމަށެވެ.
މުޣުނީ ވިދާޅުވީ ހޯމަ ދުވަހުގެ ހަވީރު 6 ޖެހުމާއި ހަމަޔަށް ފުރަބަންދުގައި ތިބި މުވައްޒަފުން ސްޓެލްކޯގެ ލޮކްޑައުންގައި 59 ނުވަ ދުވަސް ނުވަތަ 8 ހަފްތާއާއި އިތުރު 3 ގަޑި އިރު ހޭދަކޮށްފި ކަމަށާއި، އެއީ ވަގުތުން ބުނާނަމަ 85 ހާސް ގަޑި އިރުކަމަށެވެ. އަދި އެކަން މިނެކިރާނީ ކުންފުނީގެ ކަސްޓަމަރުންނާއި ރައްޔިތުން ކަމަށް މުޢުނީ ވަނީ ވިދާޅުވެފަ އެވެ.
މީގެ އިތުރުން، ގައުމު މިދެކޭ ދުވަސްތަކަކީ ދަތި ދުވަސްތަކެއް ކަމަށާއި، މި ދުވަސްތަކުން އަރައިގަނެ ފަސޭހަ އަދި އުފާވެރި ދުވަސްތަކަކަށށް ގައުމު އަލިވިލޭނީ، އެންމެންގެ މިންނެތް މަސައްކަތުން ކަމަށް މުޣުނީ ވިދާޅުވި އެވެ. އަދި ސްޓެލްކޯގެ މުވައްޒަފުން ވަނީ އެކަން ސާބިތުކޮށްދީފައިކަމަށާއި، އެކަމަށްޓަކައި ސްޓެލްކޯގެ ހުރިހާ މުވައްޒަފުންނަށް ޝުކުރު އަދާކުރާކަމަށެވެ.
