އައްޑޫ ސިޓީގެ މަގެއްގެމަތިން ހޮވި 100،000ރ. ވެރިފަރާތާއި ހަވާލު ކޮށްފި
8 ޖޫން 2020 | ހޯމަ 08:27ފައިސާ ހޮވާފައިވަނީ ބިދޭސީއެއް
އައްޑޫ ސިޓީގެ މަގުމަތިން ހޮވި ފައިސާތައް
އައްޑޫ ސިޓީގެ މަގެއްގެމަތިން ހޮވި ފައިސާތަކެއް ވެރިފަރާތާއި ހަވާލުކޮށްފި އެވެ.
ފުލުހުން ބުނީ އައްޑޫ ސިޓީގައި ދިރިއުޅޭ ބިދޭސީއަކު އެސިޓީގެ މަގެއްގެ މަތިން 100،000 ރުފިޔާ ހޮވާފައިވާ ކަމަށާއި, އާދިއްތަ ދުވަހުގެ ހެނދުނުގެ ވަގުތެއްގައި އޭނާ ގޮސް އެ ފައިސާތައް އައްޑޫ ސިޓީ ޕޮލިސް ސްޓޭޝަނާއި ޙަވާލުކޮށްފައިވާ ކަމަށެވެ.
ފުލުހުން ވަނީ ފައިސާތަކުގެ ވެރިފަރާތް ޔަޤީން ކުރުމަށް ފަހު އާދިއްތަ ދުވަހުގެ މެންދުރު އެ ފައިސާތައް ވެރިފަރާތާއި ހަވާލުކޮށްފަ އެވެ.
ރާއްޖެ އެމްވީއަށް އެނގިފައިވާ ގޮތުގައި މި ފައިސާތަކުގެ ވެރިފަރާތަކީ އައްޑޫ ސިޓީގެ ވިޔަފާރިވެރިއެކެވެ. މަގުމައްޗަށް ފައިސާތައް ވެއްޓިފައި ވަނީ އޭނާއަށް ނޭނގި ކަމަށެވެ.
މި ފައިސާތައް ފެނިފައި މިވަނީ ވެރިފަރާތުން ފައިސާ ހޯދުމުގެ މަސައްކަތް ކުރަމުން ދަނިކޮށްކަމަށް އެނގިފައި ވެއެވެ.
