ނާޒިމްއަފާ ފައުންޑޭޝަނުން ޓެކްސީ ޑްރައިވަރުންނަށް 6000 ޕީޕީއީ ހަދިޔާކޮށްފި
7 ޖޫން 2020 | އާދީއްތަ 16:37ސެނެޓައިޒާ އަދި ފޭސްކު މާސްކު ހިމެނޭ
ދަނގެތި ދާއިރާގެ މެމްބަރު ނާޒިމްގެ ފަރާތުން ޓެކްސީ ޑްރައިވަރުންނަށް ޕީޕީއީ ހަވާލު ކުރުމުގެ ތެރެއިން | ފޭސްބުކް
ރައްޔިތުންގެ މަޖިލީހުގެ ދަނގެތި ދާއިރާގެ މެމްބަރު މުހައްމަދު ނަޒީމް (ކާނަލް ނާޒިމް) އަދި އަނބިކަނބަލުން އަފާފް އަބްދުލްމަޖީދުގެ ''ނާޒިމްއަފާ ފަައުންޑޭޝަން'' ގެ ފަރާތުން ދިވެހި ޑްރައިވަރުންގެ އެސޯސިއޭޝަނަށް، 6000 ޕަރސަނަލް ޕްރޮޓެކްޓިވް އިކުއިޕްމެންޓް (ޕީޕީއީ) ހަދިޔާ ކުރައްވައިފިއެވެ.
ނާޒިމްގެ ޓްވިޓަރ އެކައުންޓުގައި ފޮޓޯއެއް ހިއްސާކުރައްވަމުން ވިދާޅުވީ، ޕީޕީއީގެ އައިޓަމްސް ތެރޭގައި ސެނިޓައިޒަރ ފުޅި، ފޭސް މާސްކް އަދި އަންގި ހިމެނޭ ކަމަށެވެ. ނާޒިމްއަފާފް ފައުންޑޭޝަނުން ދަނީ ދަނގެތީގެ ރައްޔިތުންނަށް ވެސް އެކި ގޮތް ގޮތުން އެހީތެރިކަން ފޯރުކޮށްދެމުންނެވެ.
މެމްބަރު ނާޒިމްގެ ގާތް ރަހުމަތްތެރިއެއް ކަމަށްވާ މެލޭޝިޔާގެ މަޝްހޫރު ލިންބާގް ހޯލްޑިންގެ ފައުންޑަރ ވިރާ ލިންގ ކާ ޗޮކް ވެސް ވަނީ ދާދި ފަހުން 1000 ޕީޕީއީ ސެޓް ރާއްޖެ އަށް ހަދިޔާކުރައްވާފައެވެ. އަދި އެ ކުންފުނިން ވަނީ މީގެ ކުރިން 60،000 މާސްކު ވެސް ރާއްޖެ އަށް ހަދިޔާކޮށްފައެވެ. އެތަކެތި ޑިޒާސްޓާ މެނެޖްމެންޓް އޮތޯރިޓީއާ ހަވާލުކުރެއްވީ މެމްބަރު ނާޒިމްއެވެ.
